WANASIASA CHANZO CHA MGOGORO WA CHAMA CHA USHIRIKA KCU

Na Mwanbdishi Wetu

KATIBU Mkuu Mtendaji wa Shirikisho la Vyama vya Ushirika Tanzania (TFC), Willigis Mbogoro, amesema mgogoro wa Chama cha Ushirika Kagera (KCU), umekuwa ukichochewa kwa makusudi na wanasiasa kwa ajili ya maslahi yao binafsi kuelekea Uchaguzi Mkuu ujao mwaka 2015.

Akizungumzana na wandishi wa habari jijini Dar es Salaam, Mbogoro, alisema kutokana na mkutano mkuu uliyofanyika hivi karibunu, kwa amani umemedhirisha kuwa chama hicho hakina mgogoro, taarifa zinazosikika kuwa kuna mgogoro si za kweli.

Alisema TFC kama taasisi ya kulinda na kutetea haki na maslahi ya vyama vya ushirika nchini, hawana nia ya kutetea utendaji kazi wa KCU bali wanaomba wanasiasa nchini na wafanyabiashara kwa pamoja washirikiane na chama hicho ili kuondoa changamoto zilizopo na kuboresha utoaji wa huduma kwa wakulima wa kahawa katika mkoa wa Kagera, kwa kuwa hakuna mbadala wa ushirika katika biashara ya kahawa katika mkoa huo, nchini kwa ujumla.

Mbogoro alisema kuwa kuna baadhi ya wanasiasa na wafanyabiashara ambao wamekuwa wakitoa shutuma kwa chama hicho, ambazo kulingana na sheria ya ushirika no. 20 ya 2003 hazina misingi kwani maamuzi yote yamekuwa yakifanyika kupitia mikutano mikuu ambayo ndio yenye uamuzi wa mwisho katika sheria ya ushirika.

“Hawa wanasiasa wamekuwa na nia ya kukigawa chama hiki katika majimbo ili majimbo hayo waweze kuja kuyatumia katika uchaguzi mwaka 2015 vile vile wafanyabiashara nao nia yao ni kuona migogoro inatokea kwemye vyama vya ushirika ili nao wapate nafasi ya kuendesha bishara hizo”alisema.

Mbogoro alisema watu hao wamekuwa wakianzisha migogoro katika maeneo mbalimbali ya nchi kama vile migogoro inayoendelea kitokea kwenye mikoa ya Tabora, Mtwara, Mwanza Pwani na kwingineko, kitendo ambacho kinaondoa ile  nadharia ya uchumi ni kushirikiana.

Aliongeza kuwa ni wakati sasa kwa wanasiasa na wafanyabiashara kushirikiana na KCU na si  kubeza mafanikio ambayo yamepatikana ndani ya miaka 60 tangu kuasisiwa kwake, na kukifanya kuwa chama pekee komgwe kuliko vyote nchini.

Akizungumzia mafanikio ya KCU LTD katika kipindi cha miaka 50 iliyopita, Mbogoro, chama hicho ni taasisi ya kwanza kujenga shule za sekondari ambazo ni Kisheju, Mugeza na Kashozi, shule hizo zinatoa elimu kwa watoto wa Wanaushirika bure.

Alisema takwimu za miaka mitano iliyopita inaonesha mkulima alilipwa si chini ya asilimia 80 ya bei ya soko la dunia ambako mwak jana KCU ililipa zaidi wakulima ukilinganisha na bei ya soko la dunia kwa sh bilioni 2.5.

Mbogoro alisema mafanikio mengini ni kwa chama hicho kudumisha amani, umoja na mshikamano kwa wakulima wa kahawa na wajasiriamali wa mkoa wa huo wa Kagera.