Tabora Marathon yaishukuru Vodacom

  Na  Mwandishi Wetu

MSHAURI   wa ufundi  wa kamati  ya maandalizi  mbio za Tabora Marathon Tullo Chambo, ameishukuru kampuni ya simu ya vodacom kwa msaada wa fulani 100 zilizotolewa jana jijini Dar es salaam.

Akizungumza kwa niaba ya wenzake alisema kuwa Vodacom imekuwa msaada mkubwa kwao kwa kuwezesha  upatikanaji wa fulana hizo ambazo zitatumika siku ya tukio juni 22.

“Tunaishukuru kampuni ya mawasiliano ya simu ya vodacom  ingawa waliweza kutupatia  fulana hizo kkwenye hatua za mwisho lakini tunatambua mchango wao katika  suala zima la michezo hapa nchini na tuna omba waendelee na moyo huo”alisema Chambo

Akielezea maandalizi ya  mbio hizo zitakazofanyika mwishoni mwa wiki hii,Chambo alisema kuwa hivi sasa wako kwenye hatua za mwisho ambapo mbio hizo zitakuwa ni za kilometa 21 kwa wanaume,16 kwa wanawake pamoja na kilometa 5 kwa watoto na watu wa umri wa kati.

Akikabidhi  fulana hizo kwa niaba  ya kampuni yake  Matina Nkurlu  ambaye ni meneja mahusiano  alisema  kwa kutambua umuhimu wa michezo nchini ndiyo sababu kubwa iliyowasukuma kutoa udhamini wa fulana 100 kwaajili ya  mashindano hayo .

“Vodacom Tanzania itaendelea kudhamini na  kuboresha michezo hapa nchini ikiwa ni wadhamini wa ligi kuu Tanzania bara  na pia jamii inapaswa kutambua kuwa kampuni hii ni kwaajili ya watanzania”Alisema Nkurlu

Mbio za tabora marathon zinatarajiwa kufanyika mkoani Tabora  Jumamosi ya juni  22 ambapo  Vodacom  ni kati ya wadhamini  wa mbio hizo ,Filbert  Bay foundation ,NGF Company limited, kampuni ya mabasi ya NBS,Emmanuel  Mwakaataka  pamoja na Sarah Ramadhani  ambaye ni makamu mstaafu wa Rais Chama  cha riadha Nchini.