LINEX AISAMBAZA VIDEO YA 'KIMUGINA'

Na Elizabeth John

 MKALI wa muziki wa kizazi kipya, Sunday Mangu ‘Linex’, anatarajiwa kusambaza video ya ngoma yake mpya inayokwenda kwa jina la ‘Kimugina’ hivi karibuni.

Linex kwa sasa anatamba na kazi yake ya ‘Mahakama ya Mapenzi’ mbali na kuwa na nyingine nyingi ambazo zilimtambulisha na kufanya vizuri katika vituo mbalimbali vya redio.

Akizungumza na Habari Mseto jijini Dar es Salaam, Linex alisema video hiyo anatarajia kuanza kuisambaza hivi karibuni katika vituo mbalimbali vya televisheni na kwamba, tayari upo katika hatua za mwisho kukamilika.

Alisema wimbo huo ni miongoni mwa vibao vyake ambavyo ameviandaa kwa ajili ya mashabiki wake, hivyo wakae mkao wa kula kuipokea kazi hiyo.

“Kila wimbo ninaoutoa lazima kunakuwa na kisa cha kweli nyuma yake, hivyo kuna baadhi ya maneno yaliyoko humo ni ya kweli na mengine ni stori tu, ambazo nimeamua kuwapa mashabiki wangu,” alisema Linex.