DIMPOZ AJIPANGA KUACHIA ALBAMU YAKE MPYA

Na Elizabeth John

MSANII wa muziki wa kizazi kipya nchini, Omary Nyembo ‘Ommy Dimpoz’ anajiapanga kuachia albamu yake ya kwanza ambayo bado hajaipatia jina kutokana na ubora wa nyimbo ambazo zipo ndani yake.

Dimpoz kwasasa anatamba na kazi yake inayokwenda kwa jina la ‘Tupogo’ ambayo inafanya vizuri katika vituo mbalimbali vya redio, ambayo amemshikisha mkali kutoka Nigeria, J. Martins.

Akizungumza jijini Dar es Salaam, Meneja wa msanii huyo, Mbarouk Issa ‘Mubenga’ alisema msanii huyo yupo katika maandalizi ya albamu hiyo ambayo itakua na nyimbo kadhaa ambazo zimefanya vizuri katika soko hilo.

“Kwasasa yupo katika maandalizi ya albamu hiyo, naomba wapenzi wake wakae mkao wa kula kwaajili ya kazi hii ambayo naamni itakua na birudani iliyokamilika kutokan ana mashairi ya nyimbo hizo kusimama,” alisema.

Mbali na ‘Tupogo’, msanii huyo alishawahi kutamba na kazi yake za ‘Nai nai’, ‘Baadae’, ‘Me and You’ na nyinginezo ambazo zilimtambulisha na kufanya vizuri katika tasnia ya muziki huo.