TUNDA MAN ASAMBAZA VIDEO YA KIJOGOO

Na Elizabeth John

MKALI wa muziki wa kizazi kipya nchini kutoka kundi la Tip Top Connection lenye maskani yake Manzese jijini Dar es Salaam, Khalid Ramadhani ‘Tunda Man’ amesambaza video ya ngoma yake ‘Kijogoo’.

Wimbo huo umeanza kufanya vizuri katika vituo mbalimbali vya redio, kutokana na ubora wa mashairi na midundo yake.

Akizungumza na Habari Mseto jijini Dar es Salaam leo, Tunda Man alisema, video ya wimbo huo anatarajia kuanza kuisambaza hivi karibuni na kuwaomba mashabiki wake wampe sapoti ya kutosha.

“Nilikuwa nimepumzika kwa ajili ya Ramadhani, hivyo nawaomba mashabiki wake wakae mkao wa kula kwa ajili ya kazi hiyo, ambayo mashairi yake yamesimama na yana ujumbe mzito katika jamii bila kubagua rika,” alisema Tunda Man.

Mkali huyo, alishawahi kutamba na kazi zake kama, ‘Demu Sio’, ‘Pesa’ na nyinginezo ambazo zinafanya vizuri katika vituo mbalimbali vya redio.