TAARIFA KWA UMMA

SHIRIKA LA TAIFA LA HIFADHI YA JAMII (NSSF) LINAPENDA KUUTAARIFU UMMA KUWA LEO  SIKU YA JUMATATU TAREHE 13/02/2017 MAJIRA YA SAA NANE MCHANA KULIZUKA MOTO  KATIKA JENGO LA  NSSF WATER FRONT DAR ES SALAAM, NA KUZUA TAHARUKI KWA WATU WENGI NDANI NA NJE YA JENGO HILO.

TAARIFA ZA AWALI ZINAONYESHA KUWA MOTO HUO ULITOKANA NA KUUNGUA KWA BAJAJI ILIYOKUWA IMEEGESHWA KATIKA MAEGESHO YA CHINI YA JENGO. HATA HIVYO TAARIFA KAMILI ZITATOLEWA BAADA YA UCHUNGUZI KUPITIA VYOMBO HUSIKA KUKAMILIKA.

MOTO HUO ULIZIMWA KWA USHIRIKIANO WA VIKOSI VYA ZIMAMOTO NA WANANCHI NA HAKUNA MADHARA YA KIBINADAMU AU MALI YALIYOTHIBITIKA KUTOKEA HADI SASA MBALI NA KUTEKETEA KWA BAJAJI HIYO.

SHIRIKA LINATOA SHUKRANI KWA VYOMBO VYOTE PAMOJA NA WANANCHI WALIOTOA USHIRIKIANO KUDHIBITI MOTO HUO.

IMETOLEWA NA IDARA YA MASOKO NA UHUSIANO, NSSF MAKAO MAKUU