Mwalimu Korogwe akabidhiwa bajaj yake

NA MWANDISHI WETU

UNAWEZA kusema walimu wameamua kufanya kweli na SportPesa baada ya mwalimu, Noah Naumia wa Shule ya Sekondari ya Mkomazi (pichani), kukabidhiwa bajaj mpya kutokana na kuwa mshindi wa droo ya 21.

Timu ya ushindi kutoka SportPesa imemkabidhi bajaj yake mbele ya waalimu wenzake shuleni hapo, iliyopo wilayani Korogwe mkoani Tanga.

“Nimefurahi kwa kuwa kile nilichokuwa nakitafuta baada ya kubashiri na SportPesa kwa karibu mwaka mzima sasa nimekipata.

“Nategemea kuitumia bajaj hii iniongezee kipato na naamini itanisaidia kujenga nyumba yangu ili kuepukana na usumbufu wa nyumba za kupanga,” alisema.

Mke wa mshindi huyo, Mwalimu Esther Mpoki, hakuwa nyuma kueleza furaha yake baada ya mumewe kushinda bajaj hiyo na kusema kuwa anaamini itawasaidia kutatua matatizo mbalimbali katika familia yao ikiwemo kumsaidia kupata mtaji wa kuanzisha biashara ya vipodozi.

“Nimefurahia sana ushindi wa mume wangu, kwani bajaj hii naamini itatusaidia kuanza kuweka akiba kwa ajili ya mtoto wetu Ivan, ili akifikisha umri wa kuanza shule aweze kusoma shule nzuri kama nilivyokuwa natamani iwe,” alisema mwalimu Esther.

Noah anakuwa mwalimu wa tatu kujishindia bajaj katika promosheni ya Shinda Zaidi na SportPesa tangu ilipoanza, ambapo wateja wa SportPesa hivi sasa mara baada ya kubashiri tu, namba zao huingizwa kwenye droo na kuweza kujishindia bajaj mpya, simu za smartphone au jezi za ama Simba au Yanga.