TFF YAMLILIA MTANGAZAJI NGULI WA HABARI ZA MICHEZO AHMED JONGO

Rais wa Shirikisho la Mpira wa Miguu Tanzania (TFF) Wallace Karia ametuma salamu za rambirambi kwa familia ya mtangazaji wa zamani wa michezo Ahmed Jongo (pichani), aliyefariki leo hospitali ya Temeke.

Kwa niaba ya TFF ametoa pole kwa wafiwa,familia,ndugu,jamaa na marafiki kwa msiba huo.

“Nimepokea kwa majonzi makubwa taarifa ya kifo cha Ahmed Jongo,kwa niaba ya TFF natoa pole kwa ndugu,jamaa na marafiki,hakika tutamkumbuka kwa umahiri wake wa kutangaza mpira wa miguu”.

Rais wa TFF Ndugu Karia amesema Jongo enzi za uhai wake alipokuwa Radio Tanzania Dar es Salaam RTD alikuwa chachu ya Watanzania wengi kufuatilia mpira wa miguu kutokana na umahiri wake wa kutangaza mpira kupitia matangazo ya moja kwa moja kwenye Radio.

Amesema aina ya utangazaji wa mpira wa Jongo ulishawishi wengi kufuatilia mpira wa miguu na kuhudhuria kutazama mechi mbalimbali.

Mungu ailaze roho ya marehemu Ahmed Jongo mahala pema pepino,Amen.