Waziri Mkuu Kassim Majaliwa akisalimiana na Waziri wa Elimu, Sayansi, Teknolojia
na Mafunzo ya Ufundi, Profesa Joyce Ndalichako, wakati alipo wasili kufungua kongamano
la maadhimisho ya kumbukizi ya Mwalimu Nyerere Aprili 11, 2019, katika Chuo cha
Mwalimu Nyerere, Kigamboni jijini Dar es Salaam. (Picha na Ofisi ya Waziri Mkuu).
Waziri Mkuu Kassim Majaliwa akisalimiana na Mwenyekiti wa Bodi ya Chuo cha kumbukumbu ya Mwalimu
Nyerere, Stephen Wasira, wakati alipo wasili kwenye ufunguzi wa kongamano la
maadhimisho ya kumbukizi ya Mwalimu Nyerere Aprili 11, 2019, Kigamboni jijini Dar
es Salaam. Tokea kushoto ni Mkuu wa Chuo hicho, Profesa Shadrack Mwakalila, Waziri wa Elimu, Sayansi, Teknolojia
na Mafunzo ya Ufundi, Profesa Joyce Ndalichako. (Picha na Ofisi ya Waziri Mkuu).
Waziri Mkuu Kassim Majaliwa akisalimiana na Waziri Mkuu Mstaafu, Jaji Joseph Warioba, kwenye ufunguzi wa kongamano la maadhimisho ya kumbukizi ya Mwalimu Nyerere Aprili 11, 2019, katika Chuo cha Mwalimu Nyerere, Kigamboni jijini Dar es Salaam. Katikati ni Waziri wa Elimu, Sayansi, Teknolojia na Mafunzo ya Ufundi, Profesa Joyce Ndalichako (Picha na Ofisi ya Waziri Mkuu).
Waziri Mkuu Kassim Majaliwa akitoka kwenye jengo la
Utawala la Chuo cha Kumbukumbu ya Mwalimu Nyerere, Kigamboni jijini Dar es
Salaam, kabla ya kufungua kongamano la maadhimisho ya kumbukizi ya Mwalimu
Nyerere Aprili 11, 2019. Kulia ni Waziri
wa Elimu, Sayansi, Teknolojia na Mafunzo ya Ufundi, Profesa Joyce
Ndalichako (Picha na Ofisi ya Waziri Mkuu).
Waziri Mkuu Kassim Majaliwa akimsikiliza Mwenyekiti wa Bodi ya Chuo cha kumbukumbu ya Mwalimu
Nyerere, Stephen Wasira, kwenye ufunguzi wa kongamano la maadhimisho ya
kumbukizi ya Mwalimu Nyerere yaliyofanyika katika Chuo cha Mwalimu Nyerere, Kigamboni
jijini Dar es Salaam Aprili 11, 2019. (Picha na Ofisi ya Waziri Mkuu).
Ametoa
kauli hiyo leo (Alhamisi, Aprili 11, 2019) wakati akifungua kongamano la Kumbukizi ya Baba wa Taifa, Hayati Mwalimu Julius
Kambarage Nyerere lililofanyika kwenye chuo hicho, Kigamboni, jijini Dar
es Salaam.
Amesema
Wakuu wa Mikoa, Makatibu Tawala wa Mikoa, Wakuu wa Wilaya, Wakurugenzi wa
Halmashauri, Manispaa, Miji na Wakuu wa taasisi mbalimbali za umma wanastahili
kupelekwa kwenye chuo hicho ili wapigwe msasa juu ya maadili ya uongozi.
“Kwa
viongozi wetu wote kuanzia Wakuu wa Mikoa, Makatibu Tawala wa Mikoa, Wakuu wa
Wilaya, Wakurgenzi wa Halmashauri na Wakuu wa taasisi mbalimbali za umma ambao
wanatakiwa kujengewa msingi imara wa namna ya kuongoza, hapa ndiyo mahali pake.
Nalichukua ombi lenu ili tuwape fursa ya wiki moja au mbili waje hapa wajifunze
miiko ya uongozi,” amesema.
“Wanatakiwa
waje kupata namna ya kuwa kiongozi, miiko ya namna kiongozi anavyotakiwa awe. Unapokuwa
kiongozi unatakiwa ujue mambo gani unapaswa uyaache. Unapokuwa kiongozi kuna
baadhi ya mambo unatakiwa uyaache. Hata kama ulikuwa umezoea kushangilia mpira
kwa kuvua shati, ukiwa kiongozi unaacha kuvua shati.”
Amesema kutokana na mabadiliko ya kiteknolojia hakuna namna ya
kukwepa kujifunza na kupata maarifa mapya huku akinukuu maneno ya Baba wa
Taifa, Mwl. Julius K. Nyerere ambaye aliwahi kusema: “…Watu walio hatari sana ni wale ambao wanafikiri kuwa wanajua kila
kitu, wala hawana haja kujifunza zaidi. Hii ni tabia mbaya ambayo huzuia kabisa
maendeleo.”
“Napenda kuwahakikishia kuwa nimepokea changamoto hii ya msingi na
tutazama namna nzuri ya kuwezesha viongozi katika ngazi mbalimbali waje kupata
mafunzo ya uongozi katika chuo hiki.”
Waziri
Mkuu alikuwa akijibu hoja iliyotolewa na Mkuu wa Chuo hicho, Prof. Shadrack
Mwakalila kwamba mwitikio wa viongozi na watendaji
wakuu wa Serikali kushiriki katika mafunzo ya uongozi, maadili na utawala bora
umekuwa hafifu licha ya jitihada kubwa za kutangaza mafunzo haya kupitia njia
mbalimbali.
Katika hatua nyingine, Waziri Mkuu Majaliwa amesema ombi
lililotolewa na Mwenyekiti wa Bodi ya Chuo cha Kumbukumbu ya Mwalimu Nyerere, Mzee
Stephen Wassira la kutaka chuo hicho kipandishwe hadhi na kuwa chuo kikuu ni
jambo linalowezekana kwa sababu waziri mwenye dhamana ya elimu ya juu nchini alikuwepo
na amesikia ombi lao.
“Mwelekeo
wa chuo ndiyo unaotiliwa mkazo na Serikali hii, jina lenyewe la chuo ni tunu.
Kama Tanzania tuna chuo chenye jina la Waziri Mkuu, tutashindwaje kutoa jina
kwa muasisi wa nchi yetu? Mheshimiwa Waziri uko hapa, libebe suala hilo na
ulifuatilie.”
Mapema, Mzee Wassira alitoa maombi matatu la
kwanza likiwa ni kutaka chuo hicho kipewe hadhi ya kuwa chuo kikuu na jina lake
libadilishwe na kuwa Mwalimu Nyerere Memorial Leadership University. Pia
aliomba mazingira ya chuo yabadilishwe ili yalingane na hadhi ya mwenye jina.
Pia
Mzee Wassira aliomba Serikali ikitumie chuo hicho kuendeleza kazi iliyokuwa ikifanywa
na chuo cha Kivukoni ya kuwaandaa viongozi kwa kuwapa mafunzo juu ya maadili ya
uongozi na kuongeza kuwa wakipata mafunzo ya wiki moja au mbili ni lazima
watabadili mitazamo yao.
Kongamano hilo lilihudhuriwa na balozi wa
Namibia hapa nchini Bibi Theresia Samaria, balozi wa Msumbiji hapa nchini Bibi Monica
Patricio Clemente, Waziri Mkuu Mstaafu, Jaji Joseph Sinde Warioba ambaye
alikuwa mwenyekiti wa kongamano hilo. Wengine ni mawaziri wastaafu wa Serikali
ya awamu ya kwanza, Mzee Ibrahim Kaduma, na Mama Thabitha Siwale. Wengine ni
Mzee Wilson Mukama na Bw. John Shibuda.
IMETOLEWA
NA:
OFISI YA WAZIRI MKUU,
S. L. P. 980,
41193 – DODOMA,
ALHAMISI, APRILI 11, 2019.
No comments:
Post a Comment