BODABODA WAKOROFI KUKIONA KAGERA

Kamanda wa Kikosi cha Usalama Barabarani Mkoa wa Kagera, Denice Michael Kunyanja.

 

Na Lydia Lugakila, Kagera

Madreva waendesha pikipiki maarufu kama bodaboda mkoani Kagera wametajwa kushughulikiwa vikali kutokana na kukiuka baadhi ya sheria za usalama barabarani hasa matumizi mabaya ya alama ya Zebra kutokana na mwendo kasi jambo linalosababisha ajali kwa  watembea kwa miguu.

Kauli hiyo imetolewa na Kamanda wa Kikosi cha Usalama Barabarani Mkoa wa Kagera, Denice Kunyanja, wakati akizungumza na waandishi wa habari mkoani hapa.

Kunyanja amesema kuwa kuna baadhi ya Madreva pikipiki maarufu kama Boda boda hawafuati sheria na kanuni za barabarani  ikiwemo kuendesha vyombo vyao kwa mwendo kasi, kutowaheshimu watembea kwa mguu wanaposimama katika alama ya zebra jambo linalosababisha ajali kila kukicha.

kutokana na  hali hiyo kamanda huyo amesema tayari wamejipanga ili kuhakikisha tabia hiyo inakoma mara moja  kwa madreva hao kwa kuwachulia sheria kali ikiwemo kutiwa mbaroni.

 Kunyanja Ametaja kundi la watembea kwa miguu ambao ni Waathilika  wakubwa kwenye vivuko ni wazee, watoto na watu wenye ulemavu. 

Amesema kuwa  baadhi ya  Madreva wamekuwa na tabia isiyofaa pale  wanapofika sehemu za alama ya zebra hawawaheshimu watembea kwa miguu wanapokuwa   katika  eneo la kivuko wakati mwingine pikipiki zao hupalamia magari ambayo yamesimama pembezoni mwa barabara.

 Kamanda Kunyanja Amesema  kuwa  elimu juu ya usalama barabarani itaendelea kutolewa  huku zoezo la ukamataji kwenye zebra likiendelea.

 Hata hivyo ametoa wito kwa madreva hao kuwaheshimu watembea kwa miguu na kuiheshimu  sehemu ya alama ya zebra kwani ni sehemu pekee ambayo mtembea kwa miguu anatumia na kuwa  Kila mtu aheshimu uhai wa mtu kwa kutii sheria za  usalama barabarani na kudai kuwa  watumia barabara  hawajajua  umuhimu wa kutumia alama za Barabarani  hata  na watembea kwa miguu  wanatumia Barabara ndivyo hivyo.