MASHEIKH KAGERA WAHIMIZA AMANI

Na Lydia Lugakila, Kagera

Sheikh Twahili Ismail Tabilane (70) kutoka Kijiji cha Burembo Kata ya Mushasha wilayani Misenyi mkoani Kagera amerejea salama hapa nchini akitokea Makka Saudi Arabia katika kutekeleza ibada ya hijja ya dini ya kiislamu.

Akizungumza akiwa nyumbani kwake katika hafla ya kumpongezwa kutoka katika ibada hiyo iliyofanyika Septemba 2, 2019, nyumbani kwake Burembo, wilayani Misenyi Mkoani Kagera.

Sheikh Ismail ambaye kwa sasa ni Khaji amesema kuwa kutokana na umoja uliopo makka ikiwemo ushirikiano na upendo ni ishara kuwa kila muislamu aige na kujifunza na kutaja safari hiyo kuwa ya neema kubwa iliyosababisha yeye kurudi hapa nchini akiwa salama hivyo ametamani tena kurudi nchini makka.

Sheikh huyo amesema kila muislamu aione habari ya kwenda hija kama ya kawaida na kuwa kila muumini wa dini hiyo atekeleze suala la kufika makka.

‘’Namshukuru mungu hali niliyoikuta kule makka ni nzuri natamani kurudi mwaka ujao hii ni neema kule hakuna cha Tajiri wala maskini kule ni haki sawa kwa wote amesema’’

Amesema safari ya kwenda hijja haina ubaguzi kwani hija hiyo inawapa waislamu wote haki sawa, ikiwemo chakula cha bure, maradhi na mahitaji mengineyo muhimu pamoja na kupewa mafunzo ikiwemo kusoma vitabu vya Quruan takatifu vyenye maudhui ya kuiheshimu dini hiyo.

Kwa upande wake sheikh mkuu wa mkoa wa kagera Sheikh Haruna Kichwabuta amewahimiza waislamu mkoani kagera kuendelea kuwa wamoja na kumuomba mungu ili kila muumini wa dini hiyo aweze kufikia makka.

Hata hivyo shekhe Kichwabuta meyashukuru madhehebu tofauti mkoani Kagera yaliyoshiriki kwa kumpokea shekhe Twail aliyekwenda kuwakilisha dhehebu hilo katika ibada hiyo.

Amewataka waislamu kujitokeza kwa wingi mwaka ujao 2020 kuudhulia ibada ya hijja

Naye Sheikh Mkuu Wilaya ya Misenyi mkoani hapa, Sheikh Abduzaydi Kyagulani, ametoa pongezi kwa sheikh huyo kurejea salama hapa nchini na kuhimiza umoja kwa waumini hao na madhehebu tofauti ikiwemo kuiombea nchi amani.

Amesema kuwa masheikh kutoka Kanyigo, Buyango, kilimilile, mtukula, Bugandika, Burembo wote wamelejea kwa usalama bila matatizo ambapo ameongeza kuwa madhumuni mazito ni kujenga nguzo tano za kiislamu sambamba na umoja.