Serikali inatambua na kuendeleza juhudi za wabunifu

Katibu Mkuu Wizara ya Elimu Dkt Leonard Akwilapo, akizungumza na waandishi wa habari jijini Dodoma leo Februari 5, 2021 kuhusu Wiki ya Maonesho ya Ubunifu wa Kisayansi na Teknolojia (MAKISATU) yanayotarajiwa kuanza Machi 20-26.

 

  NA HAMIDA RAMADHANI, DODOMA

SERIKALI imesema inatambua na inaendeleza juhudi  mbalimbali za wabunifu wote waliokwisha tengeneza bunifu tofauti tofauti hapa nchini.

Hayo yamesemwa leo jijini Dodoma na Katibu Mkuu Wizara ya Elimu Dkt. Leonard Akwilapo alipokuwa akizungumza na waandishi wa habari katika kuelekea Wiki ya Maonyesho ya Ubunifu wa Kisayansi na Teknolojia (MAKISATU) Machi 20 mpaka 26 mwaka huu.

Dkt Akwilapo amesema kuwa mwaka jana katika Maonesho hayo ya MAKISATU Jumla ya Wabunifu 1066 walijitokeza ambapo wabunifu 130 wote wanaendelezwa na Serikali.

"Huu ni mwaka wa Tatu kufanya Maonesho haya na lengo kubwa la Maonesho haya ya Sayansi na Teknolojia MAKISATU ni kuwatambua wabunifu wote waliopo hapa Tanzania na kuendeleza juhudi mbalimbali za wabunifu hao bila kusahau kuwa ni moja ya ajira," amesema Dkt Akwilapo.

Amesema usajili kwa wabunifu umeanza toka November 18 ,2020 na kumalizika  February 2021 ambapo wizara inayoratibu na kushirikiana.

Aidha ametoa wito kwa watu mbalimbali na wabunifu wenyewe kuchangamkia fursa katika Maonesho hayo ya MAKISATU March 2021  na ambapo kutakua na Maonesho mbalimbali ya Teknolojia na Ubunifu. 

MIKAKATI.

Amesema mikakati ya mwaka huu ni pamoja na  wadau wa Ubunifu  Katika masuala ya Sayansi na Teknolojia kuanzisha vikundi vitakavyowatambua wabunifu  kuanzisha utaratibu   kuanzia Serikali za Mitaa.

Kwa upande wake Mkurugenzi wa Tume ya sayansi na Teknolojia Dkt Amos Nungu Amesema huu ni mwaka wa tatu wa mashindano hayo ambapo wamefanikiwa kuwaongezea uelewa wabunifu wote waliochukulia na Serikali.

Aidha amesema wabunifu hao wote wamepewa mafunzo na kuendelezwa kulingana na bunifu zao.

 

Hata hivyo maadhimisho  hayo yatawachukua wanafunzi kuanzia shule ya msingi, sekondari vyuo vya ufundi stad vyuo vikuu na Taasisi kutoka mfumo usio rasmi na maadhimisho hayo yamebebwa na kauli mbiu isemayo sayansi Teknolojia kwa uchumi endelevu.