Serikali yawataka Wanandoa kufungishwa ndoa na viongozi wa dini wenye vibali vya RITA

Waziri wa Katiba na Sheria Profesa Palamagamba Kabudi.

 

 

 

Hussein Ndubikile, Dar es Salaam

Serikali imesema watu wanaotaka kufunga ndoa kuhakikisha wanafungishwa ndoa na viongozi wa dini wenye vibali vya Wakala wa Usajili, Ufilisi na Udhamini Tanzania (RITA) huku ikibainisha kupitia RITA imeshasajili  watoto walio chini ya miaka mitano zaidi ya milioni sita na kufikia asilmia 55% kutoka asilimia 13 mwaka 2012 kupitia Mpango Mkakati uliozinduliwa mwaka 2018 hali iliyochangia kupata matokeo chanya ya kusajili watoto wengi.

Hayo yamesemwa jijini Dar es Salaam na Waziri wa Katiba na Sheria Profesa Palamagamba Kabudi katika Maadhimisho ya Nne ya Siku ya Usajili wa Matukio Muhimu ya Binadamu na Takwimu Barani Afrika yanayofanyika kila mwaka Agosti 10.

Amesema jamii inatakiwa kueewa kuwa si  kila kiongozi wa dina ana ruhusa ya kufungisha ndoa badala yake wafungishwe ndoa na viongozi waliopewa vibali na wakala huyo huku akibainsha kupitia mpango mkakati wa usajili huo umeleta matokeo ya kusajili watoto wengi katika mikoa ya Mara na Simiyu ambapo ndani ya miezi minne imefikia 80% kutoka asilimia 10% za awali.

" Si kila kiongozi wa dini anaruhusiwa kufungisha ndoa bila idhini ya RITA  hivyo ni vyema mkafungishwa na wenye vibali, nawaomba muendelee kutoa elimu watu waone muhimu wa kusajili vizazi, vifo, ndoa na mambo mengine mnayoyatoa," amesema Waziri Profesa Kabudi.

Amebainisha kuwa  wakala huyo ana jukumu la kuendelea kuihamasisha jamii kuelewa umuhimu kusajili vyeti vya matukio muhimu RITA kwani kufanya hivyo kunaisaidia Serikali kujua takwimu halisi na kupanga mipango ya maendeleo.

Kwa upande wake, Mwakilishi Mtendaji wa RITA ambaye pia ni Kaimu Mkurugenzi wa Haki za Kisheria wa uwakala huo Lina Msanga amesema lengo la madhimisho hayo ni kuongeza mwamko na kasi kwa wananchi kusajili  matukio muhimu ikwemo vifo, vizazi, ndoa n.k.

Naye  Mwenyekiti wa Bodi ya Ushauri ya RITA, Profesa Khamisi Dihenga amesema siku hiyo hutumika kutathmini kilichofanyika katika mchakato wa usajili wa matukio muhimu pamoja na kupoa maoni na mapendekezo yatakayosaidia kuboresha utendaji wa uwakala huo nchi nzima.

Mwakilishi wa Mwenyekiti wa Shirikisho la Vyama vya Walemavu Tanzania Bi Tulia ameishukuru RITA kwa kwashirikisha wadau mbalimbali katika maadhimisho hayo wakiwemo viongozi wa dini, wawkilishi wa vyama vya walemavu na Serikali huku akiongeza bado walemavu wanakabiliwa changamoto ya miundombinu isiyo rafiki katika majengo ya umma hali inayowafnya kushindwa kupata huduma muhimu pamoja na kunyimwa fursa za kugombea nafasi za uongozi.

Msajili wa Usajili wa RITA Patricia Mpuya amesema kuna umuhimu wa kusajili vizazi kwani humsaidia mtoto kupata haki yake ya msingi ya kutambulika, kupata, kupata huduma mbalimbali ikiwemo za kimasomo pamoja na  kumlinda mtoto na ndoa za utotoni na ajira za utotoni.na kwamba  usajili wa vizazi na vifo unafanyika katika Ofisi za Makuu, Ofisi za Wilaya zote, vituo vya kata na tiba.