Viongozi Wakuu Posta watakiwa kuwawezesha Memeneja wa Mikoa na kuwapa uhuru wa kufanya maamuzi

 

Naibu Waziri wa Wizara ya Mawasiliano na Teknolojia ya Habari Mhandisi Kundo Mathew akifunga Kikao cah kutathmini utendaji kazi kwa mwaka uliopita na kupanga mikakati ya mwaka mpya wa utendaji.

Kaimu Postamasta Mkuu Macrice Mbodo.

 

 Mameneja na Watendaji wa Posta wakiwa kikaoni.

 

 

 

Na Hussein Ndubikile, Dar es Salaam

Serikali imewataka Viongozi wakuu wa Shirika la Posta Tanzania kuwawezesha Mamemeja wa Mikoa wa shirika hilo vitendea kazi vya kisasa  pamoja na kuwapa uhuru wa kutekeleza majukumu yao badala ya kusubiri maamuzi yatoke makao makuu katika utekelezaji wa majukumu ya shirika kwenye mikoa yao.

Hayo yamesemwa jijini Dar es Salaam na Naibu Waziri wa Wizara ya Mawasiliano na Teknolojia ya Habari, Mhandisi Kundo Mathew wakati akifunga rasmi Kikao cha Siku Tano cha Kutathimini Utendaji kazi wa viongozi wa shirika hilo kwa mwaka 2020/21 na kujadili Mipango mikakati ya mwaka ujao 2021/22.

Amesema kuwa mameneja wa mikoa wanatakiwa kupatiwa vifaa vya kisasa ili waweze kutekeleza majukumu yao kikamilifu na kwamba wasipopatiwa hawatafanya kazi zao vizuri huku akibainisha kuwapa wigo wa uhuru katika utekelezaji wa majukumu katika mikoa yao wajione sehemu ya maamuzi ya Posta.

" Mameneja wapewe fursa ya kufanya maamuzi kwenye mikoa si kusubiri yatoke Makao Makuu y Posta mkiwapa watajiona ni sehemu maamuzi ya shirika kingine wapewe vitendea kazi vinavyoendana na mifumo ya kidijitali posta itapata matokeo," amesema Naibu Waziri Mhandisi Mathew.

Amewataka vongozi kwenye nafsi zao kuleta tija katika shirika hilo kwa kutekeleza majukumu yao ipasavyo na kuingiza na kuimarisha mifumo ya utendaji kazi iwe endelevu kwa masilahi ya shirika hilo.

Amelitaka shirika hilo kubadilika kwa kuwaondoa viongozi wanaonekana kukwamisha malengo posta iliyojiwekea na kukemea mabosi wanaonyanyasa wafanyakazi hasa katika kudai masilahi yao.

Amesisitiza mikoa ya kimkakati majiji yanahitaji kuwa na mameneja wenye uwezo kiutendaji  na kuwataka washiriki kutekeleza yote waliyoazimia katika hicho huku akimpongeza kaimu postamasta mkuu kwa utendaji kazi bora katika muda mfupi alivyopewa majukumu.

Kwa upande wake Kaimu Posta Masta Mkuu, Macrice Mbodo amesema viongozi waliohudhuria kikao hicho wamepata fursa ya kufundishwa itifaki na maadili ya utumishi,kupitia mifumo ilyoingizwa ndani ya shirika na kuifanya kwa vitendo, kusaini mikataba ya utendaji kazi kwa mwaka 2021/22 pamoja na kupata hekima za wazee wakongwe akiwemo aliyekuwa Mkaguzi na Mdhibiti wa Hesabu za Serikali, Ludovick Utouh na PostaMasta Mkuu Mstaafu Dus Mdeme.

Amemshukuru Naibu Waziri Mhandisi Kundo kwa kushiriki kufunga kikao hicho na kumwaahidi kumpa ushirikiano kwa kutekeleza yale yote waliyokubaliana kuyafanya katika utendaji wa kazi wa mwaka 2021/22.