Makamu wa Rais kuzindua Sera Mpya ya Taifa ya Mazigira 2021

 

Na Jasmine Shamwepu, Dodoma

MAKAMU wa Rais Dokta Philip Mpango anatarajiwa kuzindua Sera mpya ya Taifa ya Mazingira ya Mwaka 2021 iliyojumuisha mambo sita yaliyokuwepo katika Sera ya Mwaka 1997 ikiwemo udhibiti wa taka za kielectroniki.

Mambo mengine ni Usimamizi na Matumizi ya kemikali,mabadiliko ya tabianchi,udhibiti wa viumbe vamizi,Usimamizi wa Matumizi salama ya bioteknolojia ya kisasa na udhibiti wa Uchaguzi katika shughuli za utafutaji na uchimbaji wa mafuta na gesi.

Akizungumza na waandishi wa habari leo ofisini kwake Jijini Dodoma Katibu Mkuu Ofisi ya Makamu wa Rais,Muungano na Mazingira 

Marry Maganga amesema Uzinduzi wa Sera ya Taifa ya Mazingira itafanyika Februari 12,Mwaka huu.

Amesema Sera mpya ya Mazingira imeongeza wigo wa masuala na changamoto za Mazingira zinazopaswa kufanyiwa kazi katika kipindi husika Ili kuleta maendeleo endevu na pia imezingatia changamoto mpya za kimazingira zinazoendelea kujitokeza kutokana na mabadiliko ya mifumo ya kiuchumi,kijamii na kimazingira yanayoendelea duniani.

"Dhumuni ya kuwepo kwa shughuli hizo ni pamoja na kurejesha hali ya asili ya Mazingira iliyoharibika kutokana na shughuli za kibinadamu kwa kuwa na zoezi la upandaji Miti Ili kuwa na Mazingira safi"Alisema

 

Aidha amesema kabla ya Uzinduzi wa Sera huo,kutakuwa na wiki ya Mazingira itakayoanza Februari 7 hadi 12 ambapo shughuli mbalimbali za hifadhi ya Mazingira zitafanyika ikiwa ni sehemu ya masuala ya msingi yanayoelekezwa katika Sera mpya.

Ametaja shughuli hizo kuwa ni pamoja na upandaji Miti katika eneo la Medeli,Iyumbu,Isern,maeneo ya barabara inayoanzia Chimwaga ,Chuo Kikuu Cha Dodoma kuelekea barabara ya Dodoma Dar es Salaam,kutoa Elimu kuhusu utenganishi wa taka na kufanya usafi katika soko la Chang'ombe na utoaji wa Elimu ya Mazingira wa wananchi na wadau kupitia vyombo vya habari.

Amesema kutakuwa na shughuli za usafi wa Mazingira zinazolenga kuboresha afya ya jamiii na Elimu na Elimu ya utenganishaji taka kwa ajili ya    udhibiti wa taka ngumu wa kumwezesha urejelezaji wa taka kwenye bidhaa na huduma mbalimbali.