KAPOMBE AWAITA MASHABIKI KWA MKAPA

Na John Richard Marwa


Zikiwa zimesalia saa kadhaa kuelekea mchezo wa kufa ama kupona mchezo wa Ligi ya Mabingwa Afrika CAFCL kundi C ambapo Simba atawaalika AC Horoya katika Dimba la Benjamin Mkapa hapo kesho.

Simba watashuka dimbani kusaka ushindi pekee kwenye pambano hilo ambapo kama Mnyama ataibuka na ushindi basi atakata tiketi ya Robo Fainali msimu huu ambao hawakuanza vyema hatua ya makundi.

Kapombe amesema wanajivunia kuwa na mchezaji wa 12 ambaye mara zote amekuwa mchezo bora wa mechi katika Dimba la Benjamin Mkapa mara zote ambazo Mnyama alihitaji kupata matokeo chanya.

"Tunajivunia sana kuwa na mchezaji wa 12 mwenye Nguvu zaidi, sisi kama wachezaji tunawaamini mashabiki wetu na tunaamini kesho watajitokeza kwa wingi zaidi ya ambavyo wamewahi fanya Ili kutuongezea Nguvu ya kupambana zaidi.

"Kwa upande wa wachezaji mazoezi yamemalizika na tuko tayari, tunajua mchezo wa kesho ndio kila kitu kwetu kwa ajili yetu, timu yetu na Taifa letu." amesema Kapombe na kuongeza kuwa.

"Sisi kama wachezaji tunatakiwa kujiamini kufanya kama ambavyo tumewahi kufanya huko nyuma. Sisi kama wachezaji ambao tulikuwepo nyakati hizo tumekaa na wachezaji wageni na tumewambia nini tunapaswa kufanya kwenye mazingira ya mechi ngumu kama hizi.

"Mwalimu katika Uwanja wa mazoezi amemaliza kila kitu ametupatia kila mbinu ya kuendea huu mchezo, nini twende kufanya na sisi wachezaji tuko tayari kutekeleza jukumu hili." amesema Shomary Kapombe