MNYANA AFURAHIA KUPANGIWA IHEFU FC, ASFC

Na Mwandishi Wetu

Klabu ya Simba imefurahishwa na ratiba ya hatua ya Robo Fainali ya Kombe la Shirikisho la TFF Azam Sports Federation Cup 'ASFC' baada ya kupangwa na klabu ya Ihefu katika hatua hiyo.

'Draw' ya hatua hiyo ilipangwa jana na Simba SC kupangiwa Ihefu FC 'Wanambogo Maji' mchezo ambao Mnyama Simba atakuwa mwenyeji wa pambano hilo.

Akizungumzia hatua hiyo  Meneja Habari na Mawasiliano wa klabu ya Simba Ahmed Ally amesema wamefurahi na wangefurahi zaidi kama mechi ingepangwa kupigwa Mbeya kwenye Dimba la Ihefu FC.

"Tena sisi tungefurahi kama mechi ingeenda kuchezwa kulelule Mbarali Ili tukawaulize namna gani waliwapata hao wengine ambao wamewafunga huko kwao.

"Sisi kama Simba malengo yetu ni kumfunga Ihefu Ili twende nusu Fainali, tulikutana nao tukawafunga kwa taabu sana lakini tuko tayari kumfunga na kutinga Nusu Fainali.

"Ihefu ni timu imara sana hasa baada ya dirisha dogo na wachezaji wetu tuliowapa kwa mkopo Victor Akpan na Nelson Okwa wameimarika sana." amesema Ahmed na kuongeza kuwa.

"Hii ni Fainali ndani ya robo fainal, utakuwa mchezo mzuri na wa kuvutia na huu ndio utakuwa mchezo bora wa hatua hii." Ahmed Ally.