DC Mpogolo azindua Duka kubwa la Hisense Dar

Na Hussein Ndubikile, Dar es Salaam

Serikali ya Awamu ya Sita imesema itaendelea kudumisha amani na usalama wa Taifa pomoja kutengeneza mazingira rafiki ya biashara jambo ambalo litasaidia kuongeza kasi ya wadau wa maendeleo kuja nchini Tanzania kufanya uwekezaji katika sekta mbalimbali.

Akizungumza jijini Dar es Salaam wakati wa Uzinduzi wa duka la vifaa vya umeme la Hisense Mkuu wa Wilaya ya Ilala Edward Mpogolo, amesema kuwa Rais wa Jamhuri ya Muungano wa Tanzania Dkt. Samia Suluhu Hassan ameifungua nchi na kuifanya kuwa sehemu salama ya kufanya uwekezaji.

 Amebainisha  kuwa duka la Hisense litakuwa linauza vifaa vinavyoendana na Teknolojia ya kisasa jambo ambalo litasaidia kuwa na bidhaa Bora Tanzania

“Hisense wamekuwa wakiuza bidhaa zenye ubora na gharama nafuu, wakati umefika kwa Tanzania kuchangia fursa ya kupata bidhaa zenye ubora” amesema Mpogolo.

Amesisitiza kuwa Hisense wanatambua Tanzania ni sehemu salama ya kufanya biashara kutokana mazingira mazuri tafauti na nchi nyengine

Mpogolo ameongeza kuwa watanzania wanapaswa kuja katika duka la Hisense kwa ajili ya kujifunza namna ya kutengeneza mazingira mazuri ambayo yanaweza kushawishi wateja.

“Hisense ni wafanyabiashara wazuri ambao wamekuwa wakitekeleza jukumu lao la kulipa kodi kwa maendeleo ya Taifa” amesema Mhe. Mpogolo.

Kwa upande wake, Mfanyabiashara Sabaha Said, amesema kuwa kuwa bidhaa za Hisense inaongoza kwa ubora na teknolojia rafiki kwa matumizi mbalimbali.