ALIKIBA KUTOKA NA VIDEO YA MY EVERYTHING

Na Elizabeth John

NYOTA wa muziki wa kizazi kipya nchini, Ally Kiba 'Alikiba' anajipanga kuachia video ya wimbo wake mpya unaokwenda kwa jina la 'My Everything' ambao unafanya vizuri katika vituo mbalimbali vya redio.

Akizungumza na Habari Mseto jijini Dar es Salaam, Alikiba amesema yupo katika hatua za mwisho za uandaaji wa kazi hiyo ambayo anaamini itakua nzuri kutokana na mandhari

alizotumia katika kazi hiyo.

Anasema anaomba mashabiki wa kazi zake wakae mkao wa kula kuipokea kazi hiyo ambayo anaamini itakua gumzo mtaani na kwa mashabiki wake na kuwataka wasicheze mbali na yeye.

"Naomba mashabiki na wapenzi wa kazi zangu wakae mkao wa kula kuipokea kazi hii na nyingine nyingi ambazo nimewaandalia hivyo wasikae mbali na mimi," anasema Alikiba.

Licha ya  kutoka na My Everything, Alikiba alishawahi kutamba na vibao vyake kama, Dushelele, Nichuum, Sinderela, Single Boy na nyinginezo ambazo zilimtambulisha na kufanya vizuri katika tasnia ya muziki wa kizazi kipya.