OLYMPIQUE LYON WAIPA PSG UBINGWA WA LIGUE 1

Rais wa Klabu ya Olympique Lyon, Jean-Michel Aulas

 

PARIS, Ufaransa

"Hatuwezi kufikiria kuhusu kushindana na PSG kuwania ubingwa. PSG inatutisha mno sisi. Itakuwa ni kosa kutowahofia kocha Carlo Ancelotti na Mkurugenzi wa Michezo Leonardo, huku timu yao ikishinda kwa kishindo katika mechi zao kwa mabao 4-0"

MAHASIMU wa Paris St Germain, wamekiri kuwa klabu hiyo tajiri zaidi katika Ligi Kuu ya hapa itaibuka mabingwa wa Ligue 1 mwishoni mwa msimu na kinachofanywa na klabu nyingine ni kuchelewesha taji, kocha wa  Olympique Lyon Remi Garde ameyasema hayo juzi usiku.

Kauli ya kocha wa Lyon imekuja wakati kikosi chake kikijiandaa kushuka ndani ya Uwanja wa Parc des Princes kesho Jumapili, huku PSG ikishika nafasi ya pili kwenye msimamo ikiwa na pointi 32, tatu nyuma ya wageni wa pambano la leo Lyon.

Hii ina maama kama wenyeji watashinda nyumbani, Lyon watashushwa chini kwa uwiano wa mabao kama, ambapo Garde alisema mechi hiyo ni muhimu: "Mchezo huu ni uhimu, lakini sio muhimu sana.

"Kuna nafasi nzuri wakati wote tunajua tayari kwamba bingwa wa ligi atakuwa nani mwishoni mwa msimu, ingawa sisi ni miongoni mwa tunaotamani ubingwa huo kwa muda mrefu kama tunaweza kufanya hivyo.

"Ndio, tutajaribu kadri tuwezavyo. Sisi tuko hapa kwa ajili ya jambo hilo – kujaribu kuwaudhi kwa kuwatibulia."

Licha ya kukalia kilele cha Ligue 1 kwa wiki kadhaa sasa, Lyon inaifuata PSG ikiwa na hofu ya kiwango bora ilichonacho klabu hiyo chini ya wamiliki wa Qatari –wakiibuka na ushindi mnono mfululizo wa mabao 4-0 katika mechi mbili zilizopita dhidi ya Evian na Valenciennes.

"Hatuwezi kufikiria kuhusu kushindana na PSG kuwania ubingwa. PSG inatutisha mno sisi," hiyo ni kauli ya raidi wa Lyon, Jean-Michel Aulas akiliambia gazeti la kila siku la Le Parisien la nchini hapa.

"Itakuwa ni kosa kutowahofia (kocha) Carlo Ancelotti na (Mkurugenzi wa Michezo) Leonardo, huku timu yao ikishinda kwa kishindo katika mechi zao kwa mabao 4-0," alisisitiza Rais wa Lyon, Aulas.