Na Elizabeth John
MSANII wa muziki wa kizazi
kipya nchini kutoka kundi la Wanaume Family ,Juma Said ‘Chege’ amesema kuwa
yuko mbioni kuachia video ya wimbo mpya unaokwenda kwa jina la ‘Uswazi Take
Away’.
Akizungumza jijini Dar es Salaam, Chege alisema kuwa audio
ya wimbo tayari imekamilika na wiki hii ataanza mchakato wa kutengeneza video
ya wimbo huo na pindi itakapo kamilika ataisambaza kwenye vituo vya redio.
“Nitaanza kuachia video kabla
ya audio kutokana na kuamini kuwa ndio utaratibu mzuri wa kutangaza kazi, hali
inayosaidi kufanya vizuri katika tasnia ya muziki, kwani ukifanya vema kwenye
video, audio inakuwa rahisi kukubalika,” alisema Chege.
Msanii huyo licha ya kufanya
vizuri na vibao mbalimbali kwa sasa anatamba na kibao kinachoitwa Mwanayumba
ambacho kinaendelea kukonga nyongo za mashabiki kutokana na maudhui yake.
Chege anawaomba mashabiki
kukaa mkao wa kula kusubili kazi hiyo ambayo ipo katika mchakato wa mwisho
kukamilika kwa upande wa video wakati audio iko tayari na itaachiwa baada ya
video kuanza kuonekana.
No comments:
Post a Comment