PARIS, Ufaransa
Ronaldo ametoka kuing’oa Barcelona katika Kombe la Mfalme
(ikiwa nyumbani Nou Camp) na Beckham analiona hilo kama linaweza kuwa ujumbe
tosha kwa Man United – wakati mkali wao huyo wa zamani anaporejea Old Trafford
Jumanne
KIUNGO wa zamani wa Manchester United, David Beckham ameionya
klabu hiyo kuwa makini na mshambuliaji Cristiano Ronaldo, wakati wa mechi ya
marudiano 16 bora Ligi ya Mabingwa Ulaya itakayopigwa Old Trafford wiki ijayo.
Ronaldo nyota anayechezea klabu ya Real Madrid ya Hispania
kwa sasa, atakuwa ndani ya dimba hilo huku akitazamwa kama mtu hatari anayeweza
kumaliza safari ya United katika michuano ya klabu Ulaya msimu.
Hii itakuwa itakuwa safari ya kwanza kwa Ronaldo kurejea
ndani ya dimba la Old Trafford, tangu alipoihama Man United mwaka 2009.
Beckham ilimlazimu kusubiri kwa miaka saba kumuwezesha
kurejea dimbani hapo kama mchezaji wa tiomu pinzani, wakati alipokuwa
akiichezea AC Milan.
Becks, nahodha wa zamani wa timu ya taifa ya England alisema:
“Wakati unaporejea, wewe unafurahia tukio, bila shaka, na nina uhakika itakuwa
hamasisho pia kwa Cristiano.
“Mambo mengi uhamasisha wachezaji wakubwa na marejeo ya Ronaldo
OT itakuwa ni usiku maalum kwake. Mashabiki wanampenda na itakuwa nafasi kubwa
na adhimu kwao kumuona tena.”
Man United ilitoka sare ya bao 1-1 katika mechi ya kwanza
iliyopigwa kwenye dimba la Santiago Bernabeu na Beckham anadai: “United ilifanya
vizuri sana ilipocheza Bernabeu na nina uhakika itafanya vizuri sana
itakapokuwa Old Trafford.
“Itakuwa mechi kubwa na nzuri kuiangalia. Ni ngumu mno kusema
nani atashinda mechi hiyo. Timu mbili kubwa, zinazoundwa na wachezaji wakubwa,
hodari na mahiri.”
Becks alienda mbali na kufichua uwezekano wa kubaki Paris
Saint-Germain, baada ya kufikia tamati kwa mkataba wa muda mfupi unaoisha
kiangazi hiki, ambapo alipoulizwa kama Mei inaweza kuwa mwisho wake San Siro
alijibu: “Hakuna lisilowezekana.”
The Sun
No comments:
Post a Comment