'ONE TIME' YA RICH MOVOKO KIDEONI

Elizabeth John

BAADA ya kutamba  vizuri na kibao chake cha ‘One Time’, Msanii wa muziki wa kizazi kipya nchini, Richard Martin ‘Rich Mavoko’ ameachia video ya kazi hiyo ambayo imeanza kufanya vizuri katika vituo mbalimbali vya televisheni.

Akizungumza na Habari Mseto jijini Dar es Salaam leo, Rich mavoko alisema kazi hiyo ameitengeneza katika studio ya Am rekodi chini ya mtayarishaji mahiri, Adam Juma.

Rich Mavoko aliwataka mashabiki wakipokee kibao hicho ambacho anaamini kitafanya vizuri kutokana na ujumbe uliopo ndani yake ikiwa ni pamoja na mazingira mazuri ambayo ametumia kurekodia.

“Namshukuru mungu kazi hii nimemaliza salama kwa ushirikiano mzuri wa Mtayarishaji huyo, naomba wapenzi wa bongo fleva wasikae mbali na mimi,” alisema Rich Mavoko.

Alisema kwasasa amejipanga kufanya vizuri katika soko hilo kwaajili ya kuwapa burudani mashabiki wake ambapo anasema anakuja na staili tofauti na zile ambazo walizizoea.