Enlarge
Taji la kwanza: Nyota mpya wa klabu ya FC Barcelona, Neymar akiwa ameshikilia taji lake la kwanza tangu atue klabu hiyo. Hili ni taji la 16 kwa Barcelona katika kipindi cha miaka minne, ililopata baada ya kumaliza dakika 90 kwa sare ya 0-0 dhidi ya Atletico Madrid kuwania ubingwa wa Spanish Super Cup 2013.
Wabrazil Nou Camp: Neymar (kulia) akipozi kwa picha na beki wa Barcelona Dani Alves wakiwa wameshikilia taji la Spanish Super Cup. Barca imetwaa taji hilo kwa bao la ugenini la Neymar katika mechi ya kwanza iliyoisha kwa sare ya bao 1-1.
Mabingwa: Barcelona wakishangilia kutwaa taji la kwanza kabisa kwa kocha Gerardo 'Tata' Martino, ambaye ameanza kuinoa klabu hiyo mwezi uliopita, akirithi mikoba ya Tito Vilanova aliyejiuzulu kujipa muda wa kuendelea na matibabu ya Kansa ya Tezi inayomsumbua.
Tuta lililoota mbawa: Juu na chini; ni Lionel Messi akipiga penati iliyogonga mwamba na kurudi uwanjani dakika ya 89. Katikati: Messi (kulia) akichuana na nyota wa zamani wa Barca, David Villa.
Staa kazini: Beki wa Atletico Madrid, Juanfran (kushoto) akitafuta mbinu za kukabiliana na nyota wa Barcelona, Neymar (kulia).
Nawatoka hivi: Kiungo Cesc Fabregas wa Barcelona, akichanja mbuga kuwaacha nyota wa Atletico, Joao Miranda na Mario Suarez (kulia).
Nakujua, hunipiti: Beki wa Barca Gerard Pique (kulia) akiondoka na mpira huku akizongwa na nyota wa zamani wa klabu hiyo, David Villa wa Atletico Madrid.
Maskini weeee!!! Mshambuliaji wa Barcelona, Neymar akisikitika baada ya kukosa kufunga bao katika mechi hiyo.
We vuta jezi, mi' naondoka na mpira: Nyota wa Atletico, Arda Turan akiimvuta jezi Messi kujaribu kumzuia.
No comments:
Post a Comment