CCM yaogopa kwenda kwenye Uchaguzi Bukoba

DAR ES SALAAM, Tanzania

Chama cha Mapinduzi (CCM) Taifa kimepinga uamuzi   wa kuwafukuza madiwani nane wa Chama hicho na kuwaondoa nyadhifa zao uliofanywa na Chama hicho katika Mkoa wa Kagera waliokuwa wamesaini hati ya tuhuma za ufisadi ili kumng’oa Meya wa Manispaa ya Bukoba Anatory Amani, kutimuliwa madiwani hao kulikuwa kunapelekea uchaguzi mdogo katika kata nane za Jimbo la Bukoba Mjini.

Akizungumza na waandishi wa habari katika ofisi ndogo za Makao makuu ya Chama hicho, Katibu wa Halmashauri kuu ya taifa, Itikadi na Uenezi Nape Nauye alisema 

“kwa mujibu wa utaratibu  wa kutoa adhabu kwa viongozi wa CCM walio kwenye vyombo vya dola hasa Wabunge na madiwani, uamuzi wa Halmashauri kuu ya mkoa sio wa mwisho". 

Kwani unapaswa kupata baraka za Kamati 

Kuu ya Halmashauri Kuu ya Taifa ndipo utekelezwe

Kutokana ana msimamo huo, Nape alisema kuwa madiwani hao nane waliosimamishwa wanapaswa kuendelea na kazi zao kama kawaida wakisubiri kikao cha kamati kuu ya Halmashauri Kuu ya Taifa kitakachoketi Dodoma 23 Agosti mwaka huu.

Licha ya maamuzi hayo kutolewa juzi usiku, Katibu huyu aliwahakikishia waandishi wa habari kuwa alikuwa tayari amepokea barua za madiwani hao waliokata rufaa kupinga uamuzi wa kufukuzwa nyadhifa zao,

Katika kujibu maswali ya waandishi, Nape alilaumu vyombo vya habari kuwa vilimnukuu vibaya Rais wa Jamhuri ya Muungano wa Tanzania, katika akauli aliyoitoa akiwa Bukoba hivi karibuni ya kuwasihi Mbunge wa jimbo hilo Hamisi Kagasheki na Meya huyo wapatane.