DIAMOND AANZA KUMTENGENEZEA SOKO WEMA

Na Elizabeth John

MKALI wa muziki wa kizazi kipya nchini, Naseeb Abdul ‘Diamond Platinumz’ amesema yupo kwenye mazungumzo na muigizaji mkubwa Nigeria ili aanze kufanya kazi na mpenzi wake ambaye pia ni muigizaji wa filamu za Bongo, Wema Sepetu.

Awali Diamond alisema, kutokana na nafasi aliyonayo yeye katika tasnia ya muziki anapenda naye mpenzi wake awe wa kimataifa zaidi kupitia sanaa yake.

Akizungumza na Habari Mseto hivi karibuni, Diamond alisema ameamua kufanya hivyo ili amsaidie mpenzi wake awe anafanya kazi na wasanii ambao watamfanya afahamike Dunia nzima.

“Kwasababu nampenda na uwezo wa kumsaidia ninao nimeamua kumsaidia, kuna msanii mmoja mkubwa wa Nigeria nimeanza mazungumzo naye tumefikia pazuri tukimalizana tu wataanza kazi,” alisema.

Diamond kwasasa anatamba na kibao chake cha ‘Mdogo mdogo’ ambacho kinafanya vizuri katika vituo mbalimbali vya redio na televisheni licha ya kuwa na kazi nyingi ambazo zilimtambulisha na kufanya vizuri.