KAMATAKAMATA YA WAUZA CD FEKI YAANZA

Mkurugenzi wa Kampuni ya Msama Promotions, Alex Msama akizungumza na waandishi wa habari jijini Dar es Salaam, kuhusu zoezi la kuwakamata watu wanaouza CD feki za kazi za wasanii.

 

Na Ramadhani Tembo

KAMPUNI ya Msama Promotions kwa kushirikiana na Wizara ya Habari Vijana, Utamaduni na Michezo, imetangaza neema kwa wasanii kwa kuanza zoezi la kuwakamata watu wanaouza nakala feki za wasanii nchini.

Mkurugenzi wa Kampuni hiyo, Alex Msama ameyasema hayo leo jijini Dar es Salaam, zoezi hilo limeanza na mpaka sasa wamekamata vijana wanne katika mkoa wa Dodoma na watatu mkoani Mwanza.

Kuna kazi mbalimbali za wasanii ambazo zinaibiwa kila kukicha huku wamiliki wa kazi hizo wakiendelea kushuka kiuchumi na kutoona faida yoyote ya kazi hizo.

 “Huu ni wakati kwa wasanii kunufaika na kazi zao na tutahakikisha tutafika kila mahali hata sehemu zisizofikika kirahisi nah ii yote ni kwea kujali kazi za wasanii”alisema Msama.

Alisema nakala zote zitakuwa na stika za (TRA) kwa kuhakikisha hakuna wizi wowote unaotokea katika kazi mbalimbali za wasanii.

Stika hizo zimewekwa ili kuwabaini wale wote watakaobainika kuiba kazi za wasanii bila kujali wadhifa wake wala cheo chake, na hili zoezi ni salam kwa yeyote anayetumia kazi za wasanii bila kufuata utaratibu wa kisheria.

Pia alilipongeza jeshi la polisi na wanashrikiana nalo na kuhakikisha zoezi hilo litakuwa endelevu na watazunguka kila mkoa kuhakikisha kazi za wasanii zinaheshimiwa na zinalindwa kwa.