ALIKIBA AFUNIKA BLOG YA MKITO.COM

NA ELIZABETH JOHN

NYIMBO mbili za nyota wa muziki wa kizazi kipya nchini, Ally Kiba zimefanikiwa kuongoza kama nyimbo zinazopakuliwa kwa wingi katika tovuti ya Mkito.com. 

Mkurugenzi wa Mkito Sune Mushendwa, aliisema kuwa wimbo uliotokea kupendwa zaidi ni wimbo wa ‘Mwana Dar es Salaam’ ulipanda hadi nafasi ya kwanza ndani ya masaa 12 baada ya kuzinduliwa Julai 24 mwaka huu. 

Alisema mpaka sasa wimbo huo umeendelea kuwa wimbo uliopakuliwa zaidi tangu kuanzishwa kwa Mkito.com Mei mwaka huu na ukifuatiwa na wimbo wa ‘Kimasomaso’. 

Wanamuziki wengine wanaofanya vizuri ndani ya Mkito ni Fid Q,, Vanessa Mdee, Young Killer, Diamond Platnumz, Linah, Rich Mavoko, Roma Mkatoliki na Yamoto Band. 

 Kwa upande wake Ally Kiba alisema anafuraha kubwa kuona kazi hizo zinafanya vizuri anapenda kuwashukuru mashabiki wake wote kwa upendo, kumkubali na kwa kumuunga mkono katika muziki wake.

 “Ni kitu cha kawaida ulimwenguni kwa wanamuziki kutangaza kazi zao kidigitali kupitia makampuni ya usambaji mtandaoni, kuziuza kazi zao pande zote za duniani ili kujiongezea kipato, naomba wapenzi wangu wazidi kunipa sapoti,”