Mapema 2009 alipokuwa anahitimisha ziara ya mikoa
ya Kanda ya Ziwa ambako alishuhudia ukatili dhidi ya watu wenye ulemavu wa
ngozi (Albino), Waziri Mkuu, Mizengo Pinda, alijikwaa Ulimi akasema; “wanaoua Albino
nao wauawe”.
Kwa kauli hiyo Pinda alisubiriwa bungeni ajieleze,
ambapo Mbunge wa Wawi, Hamad Rashid (CUF) alimbana afafanue kama kauli yake
haikuwa inakiuka misingi ya kisheria na haki za binadamu.
Pinda kwa uchungu, alipokosa jibu alibubujikwa
machozi, na alipotulia alisema; “Watanzania wataamua kipi kibaya kati ya kauli
yake na vitendo vya mauaji ya albino.”
2010, Pinda alipoteuliwa tena kuwa Waziri Mkuu,
tulishuhudia na kusikia mengi, watu walipigwa, wengine kuuawa mikononi mwa
polisi, watu wakawa na tafsiri mbalimbali ikiwemo ile ya “liwalo
na liwe” na ..”Piga tuu”…., ambazo zinadaiwa kuongeza kasi ya mauaji hayo.
Kuibuka kwa tafsiri hizo, kulitokana na swali la
nyongeza, la Mbunge wa Kilwa, Murtaza Mangungu, aliyesema,
“Kutokana na hali iliyokuwapo, sasa wananchi
wengi wamekuwa na hofu, lakini pia hata shughuli za uzalishaji mali zimeingia
kwenye shaka na kuumiza uchumi wa nchi.
“Serikali ipo tayari kiasi gani kuweza
kubainisha na kuchukua hatua stahiki badala ya kusakama makundi fulani. Tujue
chanzo halisi cha vurugu hizi na matatizo haya na jinsi gani, ambavyo vyombo
vya dola vinashughulikia..??”
“Maana yapo malalamiko katika baadhi ya maeneo
kama Mtwara, wananchi wanapigwa na vyombo vya dola. Sasa serikali ipo tayari
kutoa kauli ni kiasi gani wamefanya uchunguzi na kupata suluhisho la kudumu la
matatizo hayo..??” alihoji Mbunge wa Mtwara, Magungu.
Akijibu swali hilo, Pinda alionekana kukerwa na swali la nyongeza, hasa pale mbunge huyo aliposema kuwa wakazi wa Mtwara wanapigwa na vyombo vya dola.
“Hapa unaona anasema (Mangungu) vyombo vya dola
vinapiga watu. Ukifanya fujo wakati umeambiwa usifanye hiki, ukaamua wewe
kukaidi utapigwa tu, maana hakuna namna nyingine lazima wote tukubaliane kuwa
nchi hii tunaiendesha kwa misingi ya kisheria,” alisema na kuongeza:
“Kama wewe umekaidi hutaki, unaona kwamba ni
imara zaidi, wewe ndiyo jeuri zaidi watakupiga tu na mimi nasema muwapige
tu alisema pinda. Kwa sababu hakuna namna nyingine. Maana tumechoka sasa.”
Ya Pinda
yasimtokee Kikwete,
Hivi karibuni Rais
Jakaya Kikwete, alitoa agizo la Ujenzi wa Maabara za Sekondari, ambapo Watendaji
nchini wamelifanya zoezi hilo kama Shubiri kwa Wananchi kiasi cha kuwaweka
ndani na wengine kutoroka makazi yao na kuishi porini ili kujificha, kwa
kushindwa kulipa fedha hizo.
Kibaya zaidi, wananchi
wanapohoji mapato na matumizi ya fedha za Maabara ambazo zimechangwa na uhalali
wa baadhi ya risiti zinazotumika kuonekana ni Feki, wananchi wanafanyiwa
vitendo vya ovyo na watendaji ikiwemo
faini, kupigwa na kuwekwa ndani ndani.
Hapa ndipo ninaposema,
kwa vitendo ambavyo wananchi wanafanyiwa na watendaji, vinavyotokana na wao
kupata vitisho kutoka kwa baadhi ya Wakuu
wa Mikoa na Wilaya, yaliyompata Pinda, ni
rai yangu; ‘Katu yasimtokea Rais Jakaya Kikwete’.
Tumesikia wananchi wa
Kijiji cha Gomba Korogwe, Jumanne Billa, na Ibrahim Ramadhani, wamewekwe ndani
kwa kuhoji uhalali wa Risiti za Halmashauri anazotumia, Mtendaji Kata, Boniface
Siluli, kukusanyia Michango ya Maabara, huku akikataa ushauri akijiona Mungu
Mtu.
Mtendaji huyo alipohojiwa
na Mwandishi wa Makala hii alijigamba akisema,
“Sifanyi kazi za
Chadema, wako ninaowafanyia.., Tanzania Daima ni Gazeti la Chadema…” na mimi
sifanyi nao kazi”. alipobanwa kwa lugha potofu alibadili., “nafanya kazi ya
Wananchi, Kamuulize Mkurugenzi au Mkuu wa Wilaya”.alisema Siluli kwa simu
0713009002.
Mwandishi alimtafuta OCD
Madulu wa Korogwe katika simu 0788637679, kama kuna Wanachama Wawili wa Chadema
waliowekwa ndani, kwa kosa la kuhoji uhalali wa Risiti Feki za Michango ya
Maabara, Magulu alisema hana taarifa hadi afuatilie ofisini kwake.
Mwenyekiti wa Chadema
Korogwe, Aulelian Nziku, alikiri Wanachama wake, Billa na Ramadhani, wa Gomba
kuwekwa ndani Korogwe, baada ya kuchongewa na Mtendaji Siluli, kwa OCD Magulu
na Mkuu wa Wilaya, kwa madai wanazuia Michango, na wakakataliwa dhamana.
Kumekuwa na sintofahamu
kwa wananchi, ya kutaka kujua mapato na matumizi ya fedha zilizochangwa kwa
ajili ya Maabara, na je risiti zinazotumika za Sh. 10,000/- kwa kila nyumba
yenye Mwanamke na Mwanaume na watoto kuanzia miaka 18 ni halali au la?
“Wananchi tuna hofu
kutokana na kutotangaziwa Mapato na Matumizi, ambapo kunatufanya tufikirie
fedha zingine zitachotwa na Chama cha Mapinduzi (CCM) kwa ajili ya Kampeni za
Uchaguzi wa Serikali za Mitaa”.alisema mmoja wao akikataa asitajwe jina akihofu
kusurubiwa!
Hata hivyo tumesikia
kwenye Vyombo vya Habari, Wananchi wa Kanda
ya Ziwa, Geita, Musoma, nao wamefikia mahali pa kuyakimbia makazi na kwenda
milimani kujificha, na kuogopa mkono wa sheria wa watendaji, iwapo watashindwa
au kukosa fedha ya kuchangia Maabara.
Kwa upande mwingine,
tumemsikia na kumuona kwenye Runinga, Mkuu wa Mkoa wa Manyara, Elasto Mbwilo,
akiwatisha kuwafukuza kazi watendaji, watakaoshindwa kutimiza malengo ya
kujenga Maabara. Je, mtendaji huyo akitishwa hivyo, yeye atamfanyaje mwananchi?.
Mbwilo alitoa vitisho
hivyo, baada ya kulalamikiwa kuhusu kwepo kwa baadhi yao kuwekwa ndani, na
viongozi wao wa juu, lakini yeye akasema si kuwekwa ndani tu, yeye atawafukuza
kazi kazi! Kauli ina hiyo ina maana gani? Si kwamba na wao watumi nguvu kwa
wananchi?
Kama mwananchi
anashindwa kupata Mulo wa siku moja, atapataje fedha ya kujengea maabara? Kujenga
Maabara ni wajibu wa Serikali, isipokuwa wananchi wanatakiwa kushawishiwa na
kuwaomba wafanye hivyo kwa ridhaa, badala ya kuwatisha na kuwanyanyasa, ikibidi
wasomewa mapato na matumizi wanayotaka kujua.
Iwapo Serikali
imeshindwa hata kununua mazao ya wananchi, mfano; Mahaindi, Mpunga na mazao
mengine ili wananchi wapate fedha ya kuwakimu na kusaidia maendeleo katika
maeneo yao, wananchi watapata wapi fedha kama mazao yao hayanunuliwi?
Serikali ifike mahali
ifunguke na kuelewa isifanya hadithi za Alinacha, ni majuzi tu Walimu
wamelalamika kuwa wanakatwa fedha kwenye Mishahara yao kwa lazima bila ridhaa,
ili kuchangia Ujenzi wa Maabar; Nguvu ya kuwanyanyasa na Walimu na vimishahara
vyao vidogo inatoka wapi?
Ni
rai yangu watawala waelewe, ‘Wasimuudhi Mchinja Mbwa, Uwazimu Utawarudia
0715933308/0754933308/0786868900
No comments:
Post a Comment