RAIS JAKAYA KIKWETE ATOA NISHANI YA KUMBUKUMBU YA MIAKA 50 YA MUUNGANO KWA ATOMIC JAZZ BAND

Rais Jakaya Kikwete akimtunuku Nishani ya Kumbukumbu ya Miaka 50 ya Muungano Daraja la Nne, Stephen Hiza (Mgosingwa) kwa niaba ya Atomic Band.

 

Na Mwandishi Wetu

BENDI ya Muziki wa Dansi Atomic Jazz imeingia katika vitabu vya historia ya nchi baada ya kutunikiwa nishani ya kumbukumbu ya miaka 50 ya muungano daraja la nne.

Nishani hiyo ilikuwa ni moja ya nishani mbalimbali zilizotolewa kwa watunukiwa na Rais Jakaya Kikwete, wakati wa  maadhimisho ya sherehe za maadhimisho ya miaka 53 ya uhuru wa Tanganyika, zilizofanyika jijini Dar es Salaam juzi.

Rais Kikwete, aliitunuku Atomic Jazz Band nishani hiyo kutokana na kazi yao kubwa katika kulihamasisha taifa kuenzi muungano.

Miongoni mwa nymboa ambazo zimekuwa kichocheo cha kudumisha amani na umoja ni ule unasema ,Tanzania nchi yangu yenye furaha’ ambao umekuwa ukichezwa kwenye redio mbalimbali.

Kwa nishani hiyo Atomic Jazz Band inakuwa ni bendi ya kwanza ya muziki wa dansi kupata nishani katika kipindi cha miaka 50 ya muungano.

Akizungumzia nishani hiyo, Stephen Hiza (Mgosingwa),  ambaye ni mmoja wa wanamuziki wa bendi hiyo, alisema ni jambo la kujivunia kwani inaonesha ni jinzi gani Rais Kikwete alivyotambua kazi za bendi hiyo katika kipindi chake.

Bendi hiyo ilianzishwa mwaka 1954, miongoni mwa wanamuziki waliowahi kuwemo katika bendi hiyo ni mwenyewe Hiza, Mbaraka Mwinshe, Michael Vicent na wengine.