KOMBE HALISI LA LIGI KUU YA UINGEREZA LATUA DAR

 Mkuu wa Mtandao wa Matawi ya Barclays Emmanuel Katuma (kushoto), Meneja Bidhaa wa Benki hiyo, Valence Luteganya na Mkuu wa Kitengo cha Bidhaa, Wateja Binafsi wa Benki ya Barclays, Oscar Mwamfwagasi (kulia), wakionesha Kombe la Ligi Kuu ya Uingereza (Barclays Premier League), litakalotembezwa katika jijini Dar es Salaam na mashabiki wa soka kupata fursa ya kupigi nalo picha. (Picha na Francis Dande)

Dar es Salaam, Tanzania
 

KOMBE la Ligi Kuu ya Uingereza (Barclays Premier League), limetua rasm Jijini Dar es Salaam jana, na kutembezwa maeneo mbalimbali kwa ajili ya mashabiki wa soka kupiga nalo picha.

Akizungumza jijini Dar es Salaam jana Mkuu wa Kitengo cha Bidhaa wa Barclays, Oscar Mwamfwagasi alisema kuwa, kombe hilo lilianza kutembezwa jana katika maeneo ya Uwanja wa Taifa, Mwembe Yanga na Mnazi Mmoja ambapo leo litaendelea kutembezwa.

Aliyataja maeneo ambayo kombe hilo litatembezwa hii leo kuwa ni Uwanja wa Karume majira ya saa 10:30 jioni huku Mlimani City kuanzia saa 5:00 asubuhi ambapo watakaa saa moja na kuwataka wadau wa Soka hasa wale wapenzi wa timu za Uingereza kujitokeza kwa wingi.

“Mbali na Karume na Mlimani City hiyo kesho tunalipeleka Kinondoni Biafra, Slipway, Manzese Darajani ili wapenzi wa soka waweze kupata fursa ya kupiga nalo picha, wakiwa wamevalia jezi zao za timu wazipendazo kutoka Uingereza,”alisema.

Mwamfwagasi alisema, katika zoezi hilo la kupiga picha, litakuwa bure kwani Barclays kwa kutambua thamani ya wadau wao katika jamii ndiyo sababu ya kulileta kombe hilo, licha ya kuwa huu ni mwaka wao wa mwisho kudhamini Ligi hiyo.

Aliongeza kuwa, kwa heshima ambayo Tanzania imeipata ni kubwa sana kwani kombe hilo Barani Afrika limetua katika nchi tatu pekee ambazo ni Uganda, Tanzania na sasa linakwenda Afrika Kusini hii.