SITA WASHIKILIWA NA JESHI LA POLISI KWA TUHUMA ZA MAUAJI

Kamshina wa Jeshi la Polisi Kanda Maalum ya Dar es Salaam, Suleiman Kova, akizungumza leo na waandishi wa habari,  kuhusu kukamatwa kwa askari wa jeshi hilo na wawili wa wanyamapori kwa tuhuma za kusababisha vifo vya watu wawili. (Picha na Loveness Bernard)

xxxxxxxxxxxxxxxxxxxxxxxxxxxxxxx

 

JESHI la Polisi Kanda Maalum  ya  Dar es Salaam, linawashikilia askari Polisi wawili na askari wanne wa Idara ya wanyamapoli kwa tuhuma za kusababisha vifo vya watu wawili waliotuhumiwa kujihusisha na ujangili.

Askari hao ni Boni  Mbange  ambaye ni mkaguzi wa Polisi, E.919D/SGT Filbert, askari wa wanyamapori ni Emmanuel Mbaga, Deogratias Mwageni, Joseph Jimmy na Asubile Mwakyusa.

Watuhumiwa waliofariki  ni Yasini Rashidi (46) mkazi wa Mabibo na Samso Michael (46)  mkazi wa Mbezi  jijini Dar es Salaam.

Akizungumza na waandishi wa habari jijini Dar  es Salaam leo, Kamanda wa Kanda hiyo, Kamishna  Suleiman Kova, alisema awali waliwakamata askari saba walioshiriki katika mauaji hayo lakini wakati wanahojiwa mmoja  kati yao aitwaye F 5371 D/C  Issa Kazimoto alitoroka mara baada ya tukio hilo hivyo kumtaka alipo ajisalimishe.

Kova alisema taarifa za awali zinaonyesha askari hao pamoja na wenzao wa idara ya wanyamapori  kutoka kikosi maalum cha kuzuia ujangili Tanzania  walikuwa wanafuatilia watu wa wili kwa tuhuma za ujangili.

“Msako ulipangwa kufanyika hapa jijini Dar es Salaam kuanzia Desema 19 mwaka huu siku ya tukio baada ya asjkari hao kupata taarifa kutoka kwa raia wema kwamba watu hao wanajihusisha na vitendo vya ujangili”.Alisema Kamanda Kova.

Kova alisema   Desemba 19 mwaka huu  zilitolewa taarifa kituo cha  Polisi Magomeni kutoka kwa askari waliokuwa Opareshini  Sinza kwamba watuhumiwa waliokuwa wanawafuatilia wamefariki katika harakati za ukamataji.

Kamanda Kova alisema uchunguzi wa awali katika tukio hilo umebaini kuna utata tangu wakati wa ukamataji hadi vivyo vya marehemu hao wawili na ndio sababu askari hao wa Polisi  na wa IDara ya wanyamapori  wanashikiliwa ili kupata ukweli wa vifo hivyo na uhalali wwa nguvu iliyotumika.

“Ukaguzi wa miili ya marehemu hao unaonyesha walipata majeraha ya risasi hivyo wa kisayansi utafanyika ikiwa ni pamoja na kuwahusisha madaktari bingwa wa uchunguzi wa miili (Forensis Doctors) vielelezo vilivyotumika katika tukio hilo vikiwemo silaha na magari vinachunguzwa”alisema Kamanda Kova.

Aliwataka wananchi wenye taarifa za ziada kuhusu tukio hilo wajitokeze ili upelelezi ufanyike haraka na sheria ichukue mkondo wake.