UONGOZI WA CHAMA CHA NRA WAVUTANA KUHUSU USHIRIKI WA UCHAGUZI WA ZANZIBAR NRA Zanzibar cha shikilia msimamo wake

Talib Ussi, Zanzibar

Chama cha siasa  NRA kushiriki  au kutoshiriki uchaguzi wa marejeo Zanzibar, umeingia katika sura mpya  baada ya kuwepo pande mbili ndani ya chama hicho kuvutana .

Mgombea wa Urais wa chama hicho Zanzibar, Seif Ali Idd amendelea kushikilia msimamo wake wa kutoshiriki uchaguzi huo wa marejeo licha ya baadhi ya viongozi wa chama hicho bara kutoa taarifa ya kushiri uchaguzi huo uliopangwa kufanyika Machi 20 mwaka huu.

“Hatuna mpango wa kushiriki uchaguzi hasa baada ya chama kutoa maamuzi mapema mwaka huu, chini ya mwenyekiti wetu” alisema Idd.

Alisema kuwa uchaguzi umeshafanyika tokea tarehe 25 October  na kinachoendelea ni kiini macho tuu cha kung’ang’ani madaraka.

“Na yoyote atakayeshiriki uchaguzi huo ni mlafi wa madaraka kama kilivyo kikundi Fulani ndani ya CCM kwa kulazimisha marejeo ya uchaguzi halali na ulikua na matokeo halali” alisema Idd ambaye alikuwa mgombea wa chama hicho.

Alisema waliotoa tamko la kwamba Chama cha NRA kinashiriki uchaguzi huo  hawana mamlaka hayo na kama wanajidai walikaa kikao, kikao hicho ni batil.

“Mwenyekiti wa bodi hana mamlaka ya kukisemea chama wala naibu katibu mkuu, kwani mwenyekiti wa bodi  kazi yake ni kulinda mali za cha sio siasa” alifahamisha Mgombea huyo ambaye pia ni Makamu mwenyekiti wa chama hicho.

“Kama wameshahadaliwa na CCM basi hadaa zao haziwezi  zikatufanya kuwasaliti wananchi wa Zanzibar kwa njaa za watu wawili  hao” aliendelea.

Alieleza kwamba Naibu katibu Mkuu hawezi kuwapangia kazi kwani wako wenye vyeo vikubwa ziadi yake.

Alieleza kwamba  dunia mzimma imeshuhudia uchaguzi wa 25 october  na kuutaja ni uchagizi uliuwa wazi na huru ambao na wa kupigiwa mfano katika bara la Afrika lakini watu wachache kwa masilahi yao walimshawishi  Mwenyekiti wa Tume ZEC Jecha Salim Jecha afute uchaguzi ambao ulishakamilika.

Naibu Katibu Mkuu Bara Hassan Almasi Kisabya na Mwenyekiti wa Bodi ya wadhamini Mussa Limamu Mkatola walitoa taarifa ya chama hicho kushiriki uchaguzi wa marejeo ambayo kauli hiyo ikienda kinyume na ile iliyotelewa hapo awali

Kwa upande mwengine alimtaja msajili wa vyama vya siasa Tanzania Jaji mstaaafu Francis Mutungi kama kiongozi mbaya kwa kufanya kazi ambayo siyake.

Alisema kwamba msajili huyoo tokea kutangazwa kwa uchaguzi wa marejeo amekuwa akiviandikia vyama vishiriki uchaguzi huo aliodai kuwa ni haramu  kwani uchaguzi uliopita hajawahi kuwapelekea barua yoyote ya kuwataka washiriki.

“Huyu msajili wa vyama kama amechanganyikiwa anavishawishi vyama vishiriki uchaguzi gharamuu kwa kweli hafai” alisema Idd.

Alisema viongozi woote wanaoteuliwa na Rais wameonesha kuegemea upande wake na kuacha maslahi way a wananchi kama msajili wa vyama huyo.

Sambamba na hilo Kiongozi huyo aliwataka wanachama wake kuwa watulivu na wasisilikilize chochoko zozote ambazo zinakwenda kinyume na msimamo wa chama chao na  kuwataka kukaa pembeni kwenye uchaguzi huo wa marejeo ambao alidai ni gharamu.

Katika  kuangalia muelekeo  wa kudai haki ya Wazanzibar  chama kitaka kikao na kuangalia nini kifanye ili kuweza kupatika haki.

Alisema wanakaa na wanasheria wao ili kuangalia ya kudai haki ya wazanzibar  Mahkamani hapa Zanzibar au  kwenda Mahkamani  ya kimataifa  (The Hague) ili kueleza kile kilichofanyika kupata maamuzi ya kisheria.

Chama cha NRA ni miongoni mwa vyama nane ambavyo vilitoa tamko la kutoshiriki uchaguzi wa marejeo ambao umepangwa kufanyika March 29 mwaka huu.