Wachanga shilingi 2000 kufanikisha ujenzi wa madarasa matatu

NA KENNETH NGELESI,TUNDUMA

WAZAZI wenye watoto wanao soma shule ya Msingi Katete  kata ya Mpemba katika wilaya ya Momba mkoani Songwe wameamua kuchangishana pesa shilingi 2,000 kwa kaya ili kukamilisha ujenzi wa vyumba vitatu vya madarasa kutokana na ongezeko la wanafunzi katika shule hiyo.

Mwalimu Mkuu wa shule hiyo, Daniel Dilunga alisema Wananchi walifikia hatua ya kuchanga kiasi hicho cha fedha kutokana na shule hiyo kuwa ongezeko kubwa na wanafunzi wa darasa la kwanza mwaka ambapo kutokana na sera ya elimu kutolewa bure shule hiyo imeandikisha wanafunzi 619 wa darasa la kwanza mwaka huu kutoka wanafunzi 230 mwaka jana.

Diluna alisema kuwa shule  Katete ina wanafunzi 2169 wanaotumia vyumba 11 vya madarasa ikiwa na upungufu vyumba vya madarasa 25 hivyo kusababisha msongamano wa wanafunzi hali iliyo sababisha kufanya machango huo ili watoto maali pa kusomea.

‘Bado tuna changamoto kubwa hasa katika suala la miuondombinu hasa kulingani na watoto niliyo nao hapa,mahitaji ya madawati ni 621 yaliyopo ni 251,mahaitaji ya madarasa 36 yaliyopo ni 11 matundu ya vyoo mahitaji ni 99 lakini kwa sasa ninamatundu 15 tu hivyo hali ni mbaya niombe wadau watakao gunswa na hilo kma ambayo ameguswa mbunge wetu ili vijana wetu wapate elimu katika mazimngira mazuri’ alisema Dilunga

Mbali na hilo Dilunga alitoa ufafanuzi huo wakati akipokea mifuko hamsini (50) ya Saruji ilitolewa na Mbunge wa jimbo la Tanduma Frank Mwakajoka kwa ajili ya ujenzi ambapo Mwalimu huyo alisema kuwa Changamoto nyingine inayo ikabili shule hiyo ni uhaba wa vyoo, madawati na nyumba za walimu ambazo zimekuwa zikiikabili shule hiyo tangu kuanzishwa kwake mwaka 1975

‘Msongamano huo umetokana na ongezeko la wanafunzi baada ya tamko la serikali chini ya Rais  Dkt John Pombe Mgafuli la elimu bure kuanzia msingi hadi kidato cha nne,lakini pia hamasa mbalimbali zinatolewa na viongozi  wa Serikali pamoja na wanasiasa vikwemo ni pamoja na vitisho vya kuwachukulia hatua za kinidhamu wazazi watakao shindwa kuwa peleka watoto wao shule’ alisema  Dilunga.

Kwa upande wake Mwenyekiti wa mtaa Mpembe Gasper Mwakalinga ilipo shule hiyo ambaye anabainisha kuwa wazazi wenyewe wamelidhia kutoa michango pasi kushurutishwa huku akishukuru msaada uliotolewa na Mbunge wa jimbo la Tunduma Frank Mwakajoka ambaye kawa unga mkono kwa kuwapa mifuko 50 ya saruji kwani itapunguza makali ya kufanikisha zoezi la ujenzi wa madarasa hayo.

Kwa upande wake Mwenyekiti wa Halmashauri ya Mji huyo Ally Mwafongo ambaye alikabidhi mifuko hiyo kwa niaba ya Mbunge alipongeza juhudi zilizo fanywa na  wazazi  wanafunzi wanaso soma shule hiyo ambao wameamua kuunganisha nguvu kazi ili kuhakikisha watoto wao wanasoma katika mazingira mazuri.