NMB yasaini mkataba mikopo ya matibabu na MCF

NA MWANDISHI WETU

BENKI ya NMB imesaini mkataba wa makubaliano baina yake na Mfuko wa Mikopo ya Matibabu (MCF) kwa ajili ya  kuboresha huduma za afya nchini.

Madhumuni ya mkataba huo ni kuupatia mfuko huo mikopo mbalimbali ambayo itakuwa inaisimamia kama mdhamini kwa ajili ya hospitali binafsi, vituo vya afya binafsi, zahanati, watoa huduma za vifaa tiba na vyuo vya utabibu ili kukuza uwezo kifedha.

NMB inakuwa benki ya kwanza nchini kuingia mkataba na MCF kwa  madhumuni ya kusaidia sekta ya afya.

Aidha, makubaliano hayo yatawezesha watoa huduma za afya kuwa na uwezo  kifedha, ikiwa ni pamoja na fungu  maulumu la usaidizi wa kiufundi ambalo litasaidia wadau kuchagua watoa vifaa tiba bora na mafunzo kwa matabibu wao.

Kutokana na uzoefu mkubwa ilionao MCF itakuwa na uwezo wa kuwadhamini wale wote ambao watakuwa tayari kukopeshwa fedha kwa ajili ya madhumuni ya kuboresha huduma zao za afya kwa wateja.

Katika makubaliano hayo, hospitali ambazo zitakidhi vigezo vya kukopeshwa  zitakuwa  na uwezo  wa kukopa kati ya dola za Marekani 15,000 hadi dola milioni  moja ambazo ni sawa na fedha  za Tanzania kati ya shilingi milioni 30 hadi shilingi  bilioni mbili.

Akizungumza  bada ya kutiliana saini  mkataba huo, Mkurgenzi Mtendaji wa NMB, Ineke Bussemaker, alisema  makubaliano hayo yamekuja wakati muafaka, kwa kuwa utawezesha kuwapo  kwa gharama nafuu za huduma za afya na utajenga uwezo endelevu kwa watoa huduma za afya kuwa na uwezo wa kuendesha shughuli zao kwa kunufaika na mikopo hiyo.

Naye Mtendaji Mkuu wa MCF, Monique Dolfing-Vogelenzag, akizungumzia mkataba huo, alisema kuwa ni muhimu kwa ajili ya kutambua kuwa malengo ya  fedha hizo ni kuongeza uwezo wa utoaji huduma za afya ya msingi nchini Tanzania. 

Mkurugenzi Mkuu wa NMB, Ineke Bussemaker (katikati), akibadilishana hati ya mkataba wa kifedha kwa ajili ya huduma za afya na Ofisa Mtendaji Mkuu wa Mfuko wa mikopo ya uendeshaji wa hospitali binafsi (MCF), Monique Dolfing-Volgelenzang katika hafla iliyofanyika jijini Dar es Salaam. Kulia ni Ofisa Mkuu wa Wateja Binafisi, wa NMB, Abdulmajid Nsekela. (Picha na Francis Dande) 

 Mkurugenzi Mkuu wa NMB, Ineke Bussemaker (kulia), akibadilishana hati ya mkataba wa kifedha kwa ajili ya huduma za afya na Ofisa Mtendaji Mkuu wa Mfuko wa mikopo ya uendeshaji wa hospitali binafsi (MCF), Monique Dolfing-Volgelenzang katika hafla iliyofanyika jijini Dar es Salaam. Kulia ni Ofisa Mkuu wa Wateja Binafisi, wa NMB, Abdulmajid Nsekela.

 Ofisa Mkuu wa Wateja Binafisi wa NMB, Abdulmajid Nsekela akizungumza katika hafla hiyo.

 Mkurugenzi Mkuu wa NMB, Ineke Bussemaker (katikati), akisaini mkataba wa kifedha kwa ajili ya huduma za afya na Ofisa Mtendaji Mkuu wa Mfuko wa mikopo ya uendeshaji wa hospitali binafsi (MCF), Monique Dolfing-Volgelenzang katika hafla iliyofanyika jijini Dar es Salaam. Kulia ni Ofisa Mkuu wa Wateja Binafisi, wa NMB, Abdulmajid Nsekela.