NA KENNETH NGELESI, MBEYA
MTOTO aliyefahamika kwa jina moja la Rechal (13) mkazi wa Iyunga jijiji Mbeya amefariki dunia mara baada ya kugongwa na gari, namba T161 CPP Toyota Land Cruiser mali ya Mbunge ya Jimbo la Mbeya mjini Joseph Mbilinyi Sugu.
Ajali hiyo imetokea Desemba 17 majira saa 2:00 asubui eneo la Iyunga barabara ya Tunduma-Mbeya wakati Mbunge huyo akielekea Uwanja wa Ndege wa Kimataifa wa Songwe kwa ajili ya kupomkea Mwenyekiti wa Chama Cha Demokrasia na Maendeleo (Chadema) na Taifa
Freeman Mbowe.
Aidha mbunge huyo hakuweza kupatikana kuzungumzia tukio hilo baada ya simu yake kuiita bila kupolewa.
Akizungumza na Tanzania daima kwa njia ya Simu Kamanda wa Polisi wa Mkoa wa Mbeya, Dhahiri Kidavashari njia ya simu amekiri kutokea kwa tukio hilo na kuthibitiskifo cha mtoto huyo.
Aidha Kivadashari ametaja jina la dereva wa gari hiyo kuwa ni Gabriel Endrew alimaarufu Dj BBG (43) mkazi wa Mwakibete jijini hapa. Alisema kuwa tukio hilo limetokea majira ya saa mbili asubuhi ambapo gari T161 CPP ilimgonga mtembea kwa miguu ambaye ni mtoto anayekadiriwa miaka 13 ambapo amefahamika kwa jina moja la Rechal na
kumsababishia kifo wakati akikimbizwa hospitali.
Aliongeza kuwa gari hiyo imekamatwa na dereva anashikiliwa na polisi kwa ajili ya mahojiano na kwamba polisi wanaendelea na uchunguzi wa tukio hilo.
No comments:
Post a Comment