NMB yamwaga vifaa vya michezo Don Bosco

Meneja Mwandamizi wa Wateja Binafsi wa Benki ya NMB, Ali Ngingite (kushot0), akimkabidhi, Rais wa Shirikisho la Mipira wa Kikapu Tanzania (TBF), Phares Magesa, sehemu ya msaada wa vifaa vya michezo vyenye thamani ya Sh. Mil.15  vilivyotolewa na benki hiyo kwa timu za kikapu za Savio na Lioness zilizo chini ya Kituo cha Vijana cha Don Bosco, Upanga jijini Dar es Salaam.

Meneja Mwandamizi wa Wateja Binafsi wa Benki ya NMB, Ali Ngingite (wa pili kushoto), akimkabidhi, Rais wa Shirikisho la Mipira wa Kikapu Tanzania (TBF), Phares Magesa, sehemu ya msaada wa vifaa vya michezo vyenye thamani ya Sh. Mil.15.

 Rais wa TBF, Phares Magesa, akifurahia zawadi.

 Makabidhiano.

 Kushukuru.

Kukabidhi vifaa vya michezo.

Meneja Mwandamizi wa Wateja Binafsi wa Benki ya NMB, Ali Ngingite (katikati), akimkabidhi, Rais wa Shirikisho la Mipira wa Kikapu Tanzania (TBF), Phares Magesa, sehemu ya msaada wa vifaa vya michezo vyenye thamani ya Sh. Mil.15  vilivyotolewa na benki hiyo kwa timu za kikapu za Savio na Lioness zilizo chini ya Kituo cha Vijana cha Don Bosco, Upanga jijini Dar es Salaam. Kushoto ni Meneja wa NMB tawi la Muhimbili, Happiness Mengi. (Picha na Francis Dande).

NA SALUM MKANDEMBA

BENKI ya NMB, imewapiga tafu mabingwa wa Ligi ya Kikapu Mkoa wa Dar es Salaam, timu za Savio na Lioness zinazomilikiwa na Kituo cha Vijana cha Don Bosco, kwa kuzipa msaada wa vifaa vya michezo  vyenye thamani ya Sh. Mil. 15.

Msaada huo umekabidhiwa leo Okotba 11, 2018, katika hafla iliyofanyika Don Bosco, Upanga jijini Dar es Salaam, ambako Rais wa Chama cha Mpira wa Kikapu Tanzania (TBF), Phares Magesa, alipokea msaada huo (mipira, jezi na mabegi) kwa niaba ya uongozi wa Don Bosco.

Akizungumza wakati wa kukabidhi msaada huo, Meneja Mwandamizi wa Wateja Binafsi wa NMB, Ali Ngingite, alisema wanaamini msaada huo kwa Savio na Lioness

utakuwa chachu ya mafanikio kwa timu za Don Bosco na mchezaji mmoja mmoja.

Ngingite alibainisha kuwa, NMB ni washirika wazuri katika Sekta ya Michezo, ambako wamesaidia, kufadhili na kudhamini timu mbalimbali ikiwemo Taifa Stars na Azam FC, na sasa wanajisikia fahari kusaidia kutimiza ndoto za vijana kupitia michezo.

Kwa upande wake, Magesa aliishukuru NMB kwa msaada huo, lakini akaenda mbali zaidi kwa kuwataka Savio na Lioness kuutumia kama chachu ya kuendeleza ubora uliowapa ubingwa wa mkoa kwa kupambana kutwaa ubingwa wa Taifa na Kanda ya Tano Afrika.

“NMB hapa hamjakosea, mmetoa msaada kwa mabingwa wa mkoa wa Dar es Salaam. Naamini msaada huu utawaongezea morali ya kupigania ubingwa wa Taifa, michuano ambayo itaanza hivi karibuni na tunawaalika NMB kuja kudhamini,” alisema Magesa.

Naye Mkurugenzi wa Don Bosco, Padri Michael Muia, aliipongeza NMB kwa kupokea ombi lao na hatimaye kuwasaidia vifaa hivyo na kwamba msaada huo umetolewa wakati sahihi, huku akiahidi kuvitunza ili kuvitumia kwa muda mrefu.