Body Gym Fuel, SBC waadhimisha siku ya wanawake Duniani kipekee

Meneja Masoko wa Kampuni ya SBC, Roselyne Kwelukilwa, akizungumza wakati wa Maadhimisho ya Siku ya Wanawake Duniani, ambako Wanawake wa jijini Dar es Salaam waliiadhamisha kwenye Gym ya Body Fuel, Masaki. (Picha na Tullo Chambo).

Baadhi ya Wanawake wakiadhimisha Siku ya Wanawake Duniani katika Gym ya Body Fuel, Masaki.  

 NA MWANDISHI WETU

KATIKA kuadhimisha siku ya Wanawake Duniani, Klabu ya Mazoezi Body Gym Fuel kwa kushirikiana na kampuni ya SBC Watengenezaji wa vinywaji baridi, wametoa fursa kwa wanawake kushiriki mazoezi mbalimbali ya kujenga mwili na kuwaongezea kujiamini.

Akizungumza wakati wa programu hiyo, Meneja Masoko na Mauzo wa Body Gym Fuel Masaki jijini Dar es Salaam, Chintal Kanabar, alisema kwa kutambua umuhimu wa wanawake katika jamii imewasukuma kutoa fursa hiyo bure kwao.

Kanabar, alisema wanawake wameweza kupata semina mbalimbali za kuwajengea uwezo, kushiriki mazoezi ya kujenga na kuimarisha mwili bure wakiamini kuwa mwanamke ni mtu muhimu katika ustawi wa jamii.

Naye Meneja Masoko wa SBC watengenezaji wa vinywaji baridi vya Pepsi, Mirinda, Seven Up, Mountain Dew na hivi sasa maji ya H2o, Roselyne Kwelukilwa, alisema kwa kuwa wanatambua umuhimu wa mazoezi kwa jamii, ndicho kilichowasukuma kudhamini programu hiyo.

“Kama unavyoelewa mazoezi yana faida nyingi kwa mwili wa binadamu na hususan sisi wanawake tunahitaji kuwa fiti, wengine kupunguza uzito na kuweka miili sawa…Hivyo sisi kama mnavyoelewa tuna kinywaji chetu cha H2o haya ni maji yenye ladha tamu hivyo tumeamua kuwasapoti wanawake ili wazidi kujiweka fiti,” alisema.

Siku ya Wanawake Dunia huadhimishwa kila Machi 8 Duniani kote na Body Gym Fuel kwa kushirikiana na SBC waliamua kuidhimisha jana kwa programu hiyo.