NA
MBARUKU YUSUPH, TANGA
WAZIRI
wa Ardhi Nyumba na Maendeleo ya Makazi ,Willium Lukuvi amemsimamisha kazi afisa
ardhi wa kanda ya kaskazini Thadeus Dominic Riziki baada ya kuuza shamba la Amboni Estate
lililopo jijini Tanga kinyume na utaratibu.
Hatua
hiyo imechukuliwa na Waziri huyo jana wakati wa mkutano wa kusikiliza kero za
wananchi na kutatua migogoro ya ardhi kwa wakazi wa jiji la Tanga uliofanyika
katika viwanja vya Tangamano Mkoani Tanga.
Lukuvi
alisema kuwa Afisa ardhi kanda hiyo wakati akiwa na cheo cha afisa ardhi wa
Jiji la Tanga aliuza shamba la Amboni kwa mwekezaji huku sheria ikielielekeza
shamba hilo liwekwe katika utaratibu wa kufutiwa hati na Rais .
“Namsimamisha
kazi Ofisa huyo ambaye hivi juzi amepandishwa na kuwa afisa kanda kutokana na kubariki mauziano
ya shamba ambalo lilitakiwa kufutwa”alibainisha Waziri Lukuvi.
Katika
hatua nyingine Waziri huyo alitumia fursa hiyo kuiagiza Halmashauri ya Jiji la
Tanga kuhakikisha shamba hilo linarudi mikononi mwa serikali kwa ajili ya
kuanza taratibu za kulifutia hati.
Alitumia
fursa hiyo kuwataka watendaji wa jiji hilo kuhakikisha wanasimamia sheria na
taratibu za ardhi kama zinavyoelekeza badala ya kuendelea kufanya kazi kwa
malalamiko bila ya kuchukuwa hatua stahiki.
Alisema
Tanga Jiji inamaeneo mengi ya mashamba ambayo yameshindwa kuendelezwa huku kukiwa
na utendaji mbovu wa kuyafuta mashamba hayo ili Rais Magufuli aweze kuridhia na
kuyagawa kwa wananchi kwa ajili ya shughuli za maendeleo.
Aidha
katika kusikiliza kero za migogoro ya ardhi ilionyeshwa kuwa kesi nyingi
zinatokana na wananchi wengi kuchukuwa fidia ili hali wakiwa hawajui thamani ya
maeneo yao.
Sambamba
na hayo Mkuu wa wilaya ya Tanga Thobias Mwilapwa aliwataka wakazi wa Jiji la
Tanga kuwasilisha kero zao za ardhi kwa waziri huyo kwani yupo kwa ajili ya
kuhakikisha anatatua migogoro iliyopo.
Alisema
Serikali ya Rais Magufuli ni ya hapa kazi tuu hivyo aliwaomba wananchi kueleza
kero zao ambazo ni za ukweli ili Waziri aweze kuzifanyia kazi kwa haraka.
.JPG)
No comments:
Post a Comment