Wakufunzi CoET wanolewa Dar

 Mkufunzi wa Mafunzo ya Mfumo na Taaluma ya Ufundishaji na Ujifunzaji kutoka Shule Kuu ya Elimu Kanda ya Mlimani, Dk. Wadrine Maro, akitoa mafunzo hayo kwa Wahadhiri na Wakufunzi kutoka Ndaki ya Uhandisi na Teknolojia (CoET) katika semina inayoendelea jijini Dar es Salaam.

 Mkufunzi wa Mafunzo ya Mfumo na Taaluma ya Ufundishaji na Ujifunzaji kutoka Shule Kuu ya Elimu Kanda ya Mlimani, Dk. Wadrine Maro, akitoa mafunzo hayo kwa Wahadhiri na Wakufunzi kutoka Ndaki ya Uhandisi na Teknolojia (CoET).

 Wahadhiri na wakufunzi wakiwa katika mafunzo hayo.

Mkufunzi wa Mafunzo ya Mfumo na Taaluma ya Ufundishaji na Ujifunzaji kutoka Shule Kuu ya Elimu Kanda ya Mlimani, Dk. Wadrine Maro, akitoa mafunzo hayo kwa Wahadhiri na Wakufunzi kutoka Ndaki ya Uhandisi na Teknolojia (CoET).

 Mshiriki akijibu swali.

Mmoja wa washiriki wa mafunzo hayo akichangia mada.

NA MWANDISHI WETU

WAKUFUNZI wa idara mbalimbali katika Shule ya Uhandisi ya Chuo Kikuu cha Dar es Salaam (CoET), wanashiriki mafunzo ya siku tano yaliyoanza leo jijini Dar es Salaam ambayo yatafikia tamati Agosti 2, mwaka huu.

Akizungumza wakati wa kufungua mafunzo hayo, Naibu Rasi Ndaki ya Uhandisi na Teknolojia (CoET), Dk. Hernibel Bwire,  kupitia semina hiyo wakufunzi hao watajifunza kwa undani juu ya falsafa ya kitaifa ya elimu na mbinu zilizopitishwa katika miongozi ya kiufundishaji.

Dk. Bwire alisema miongoni mwa manufaa ya mafunzo hayo ni kuwawezesha washiriki wa mafunzo hayo kuelewa nadharia za kusoma, njia za kufundishia, kujifunza na maana yake kwa elimu ama ufundishaji katika Vyuo Vikuu ili kuwezesha washiriki kuwa na maarifa ya  kipimo na kufanya tathmini.

Alitaja faida nyingine, ni washiriki kujifunza mbinu nyingine ikiwemo  maarifa ya jinsi ya kuweka na mitihani ya Chuo Kikuu wastani na kuwawezesha kuangalia na kudumisha ubora katika njia zao za kufundishia na kujifunzia.

Dk. Bwire alisema manufaa mengine ni kuwawezesha washiriki kuwa na maarifa na mbinu za jinsi ya kubuni na kukuza mtaala kwa maana ya ujuzi wa vifaa vya maarifa ya usimamizi wa darasani na mwingiliano wake pamoja na kuelewa maadili ya mahali pa kazi na darasani.

Kuhusu malengo ya msingi ya semina hiyo, Dk. Bwire alisema ni baada ya kubaini uwepo wa wanachama wengi walioajiriwa na wenye uzoefu mkubwa, lakini wenye kuhitaji mafunzo hayo.
Hata hivyo, alisema uwezo uliopo ni kuchukua washiriki 50 tu, hivyo waliobahatika kuwa washiriki,  wanapaswa kujiona kuwa na bahati ya kuteuliwa kwa awamu hiyo ya kwanza ya mafunzo.

Kwa upande wa Chuo Kikuu cha Dar es Salaam hasa uongozi wa CoET, anajua kuwa huu ni wakati mgumu kwa wafanyikazi wa ualimu kwani zoezi la kuashiria alama ya UE, linaendelea.
Aidha, kwa sasa ni wakati unaofaa zaidi kupata wawezeshaji na wafunzo kwa walioikosa fursa kama hiyo.

Chuo Kikuu cha Dar es Salaam na CoET kwa pamoja,  wanatarajia kuona washiriki wa semina hiyo wakitumia maarifa watakayopata kupita kuwasaidia katika kuboresha ufundishaji wao wa kila siku.

Alisema, matumaini ya UDSM na CoET, ni kuona washiriki wakiwa tayari kuhamisha  maarifa watakayopata katika kosi hiyo ya siku tano kwa wengine ambao hawakupata fursa ya kushiriki katika mafunzo haya.

Aidha, kwa washiriki ambao watakuwa na mahudhurio mazuri kuanzia mwanzo hadi mwisho, watapatiwa vyeti.