WANANCHI WATAKIWA KUKATAA MIRADI HEWA

Mwezeshaji Andochius Kamuhabwa akiwa na Mratibu wa Shirika la FARAJA FOR HOPE AND DEVELOPMENT ORGANISATION, Shakira Omary. 

 Na Lydia Lugakila, Kagera

Wananchi katika Halmashauri ya Wilaya ya Bukoba mkoani Kagera  wamehimizwa  kufuatilia miradi mbali mbali ya maji inayoletwa katika maeneo ya ili  kujua  Bajeti ya miradi hiyo na ukidhi wa viwango jambo litakalosaidia kutopokea miradi hewa.

Kauli hiyo imetolewa na Shakira Omary ambaye ni mratibu wa Shirika la FARAJA FOR HOPE AND DEVELOPMENT ORGANISATION shirika lisilo la kiserikali linalojihusisha na uwajibikaji, ufuatiliaji wa jamii katika sekta ya maji lilopo katika kata ya Nshambya manispaa ya Bukoba Mkoani Kagera.

Omary amesema kuwa wananchi ni Chachu ya maendeleo ya taifa hivyo wananchi wanapaswa kufuatilia kila miradi iliyopo katika maeneo yao kwa sababu mwananchi anachangia  kwa asilimia mia moja katika miradi hiyo.

Amesema kuwa baadhi ya  wananchi wamekuwa woga katika kuhoji viongozi wanawaletea miradi ya maji jambo linasababisha kupokea miradi isiyokuwa na viwango mwisho wa siku kuwa miradi hewa kutokana na hali hiyo amewataka kuwa huru kuhoji na kujua bajeti ya miradi   na jinsi inavyotunzwa.

Bwana Andochius Kamuhabwa ni mwezeshaji kutoka katika shirika hilo amesema kuwa jambo linalofanyika kwa sasa ni kuona kwanini miradi mingi ya maji inaanzishwa au kuwekezwa kwa Gharama kubwa lakini baada ya siku haifanyi kazi.

Kamuhabwa amesema kuwa matarajio yao ni kufika vijijini na kuangalia baadhi ya miradi iliyopo kama inafanya kazi vizuri na kwa ufanisi na kama haifanyi kazi vizuri lazima zitazamwe changamoto zinaifanya baadhi ya miradi hiyo kutokamilika.

 Hata hivyo wananchi hao wamehimiza  kuvitunza vyanzo vya maji  kwa kuwa wafuatiliaji katika miradi hiyo.

Shiraka hilo linahudumia kata 6 katika halmashauri ya wilaya ya Bukoba ambazo ni Ibwera, Katoma, Katoro, Katerero, Maruku na Kemondo.