Watoto 75 wenye ulemavu kushiriki Tamasha la 'NIGHT TO SHINE'

Mlezi na Mshauri wa Shirika la EMFERD, Josephine Bakita, akizungumza na waandishi wa habari juu ya Tamasha la kuwaenzi, kuwainua na kuwapandisha daraja la juu kwa watoto wenye ulemavu na mahitaji maalumu,Tamasha ambalo litafanyika Desemba 7,2020 Wilayani Mvomero.

Baadhi ya watoto wenye ulemavu na mahitaji maalumu wanaoishi katika kituo Cha Erick Memorial Foundation for Education and Rehabilitation for Disabled (EMFERD).

Na Ghisa Abby

SHIRIKA la Erick Memorial Foundation for Education and Rehabilitation For Disabled (EMFERD) kwa kushirikiana na kanisa Katoliki Parokia ya Mtakatifu Aloyce Gonzaga Mvomero jimbo katoliki la Morogoro imeandaa tamasha la kuwaenzi na kuwainua watoto 75 wenye ulemavu na mahitaji maalumu.

Tamasha hilo linatarajiwa kufanyika Februari 7,2020 wilayani Mvomero mkoani Morogoro.

Mlezi na Mshauri wa Shirika la EMFERD Josephine Bakita ameeleza hayo leo Januari 27,2020a wakati akizungumza na waandishi wa habari Morogoro.

Mlezi huyo amesema tamasha hilo limedhaminiwa na taasisi ya kimarekani ijulikanayo Tim Tebow, na limelenga kuufanya usiku wa Mwangaza maarufu kama 'NIGHT TO SHINE, kwa watoto wanaoishi  na ulemavu wa aina mbalimbali.

Bakita amesema lengo la tamasha hilo ni kuikumbusha jamii sambamba na kuyakumbusha makanisha na madhehebu ya dini kwa ujumla kuwasogeza karibu watoto wenye mahitaji maalumu kwa kuwapa ukaribisho maalumu katika viti vya enzi.

Amesema hiyo inafanyika kwa kuwa imeonekana katika baadhi ya makanisa na madhehebu mbalimbali watu wenye ulemevu hususani watoto wamekuwa hawapewi kipaumbele na nafasi sawa na watu wengine.

Historia ya tamasha hilo ilianzishwa na mchezaji mpira maarufu wa nchini MarekaniTim Tebow na limekuwa likifanyika kila Febrauri 7 kila mwaka katika nchi mbalimbali duniani na kulenga  kuwapa heshima na hadhi ya juu watu wenye mahitaji hasa watoto ambapo kwa Tanzania tamasha hilo ni la kwanza kufanyika.

“Hili Tamasha lina mguso sana kwa watu wenye mahitaji maalumu, hivyo tunaomba wadau wengine nchini kuwezesha na kushirikiana na EMFERD kuwezesha ili kufanikisha,” amesema

Kwa upande wake Afisa Habari wa Shirika la EMFERD, Victor Makinda amesema watoto 75 wenye mahitaji maalumu watashirikia natika tamasha hilo huku wakiwa na familia zao kwa ajili ya uangalizi.

“Kubwa zaidi lililolengwa ni kuwainua watoto kuwapa daraja la juu zaidi kwa kuhakikisha tunalula nao, na kuheshimiwa huku tukiwapa nafasi ambayo pengine kwenye jamii zao hanaikosa,”amesema.

Aidha Tamasha hilo linatarajiwa kufanyika Februari 7,2020 wilayani Mvomero mkoani Morogoro na Taasisi ya EMFERD imekuwa ikiwalea watoto wenye ulemavu wa akili na viungo.