MAMLAKA ZATAKIWA KUWEKA MIUNDOMBINU YA MAJI KUNUSURU MAJANGA YA MOTO

NA HAMIDA RAMADHANI, DODOMA

WAZIRI wa Nchi Ofisi za Rais Tawala za Mikoa na Serikali za Mitaa (TAMISEMI) Suleimani Jafo, amezitaka Mamlaka za Maji nchini kuweka miundombinu ya maji kwa wingi ili iwe rahisi kwa Jeshi la Zimamoto kupata huduma ya maji pindi wananchi wanapokumbwa na majanga ya Moto.

Kauli hiyo ameitoa leo jijini hapa kwenye uzinduzi wa ushirikiano kati ya Jeshi la Zimamoto na Chama cha Skauti Tanzania.

Waziri Jafo amesema Jeshi la Zimamoto limekuwa likijitoa kufa na kupona katika kuhakikisha tu, pale wananchi wanapopatwa na majanga ya moto wanasaidiwa kwa weledi na wakati licha ya lawama nyingi kupata kutoka kwa wananchi.

"Leo nimepata furaha Sana baada ya kuona kwamba miundombinu yetu hasa ya shule inaenda kunusulika na kwa kufanya hivi tutapunguza kwa kiasi kikubwa matukio ya majanga ya moto ya mara kwa mara mashuleni kwani makubaliano haya hakika ni mafanikio makubwa ,".

Na kuongeza "Huu ni mwanzo mpya kwani tunakwenda kusaidia Taifa letu hasa katika miundombinu yetu ya shule bila kusahau serikali inamtumia mabilioni ya Fedha kujenga na kukarabati shule na mwisho wa siku kuteketea kwa moto," amesema Waziri Jafo.

Amesema makubaliano hayo kati ya Jeshi la Zimamoto na Chama cha Sikauti ni njia bora kwani na wao watakwenda kuwafundisha Vijana wenzao huko mashuleni mbinu za awali za kujikinga na majanga ya Moto.

Awali Naibu Waziri wa Mambo ya Ndani Khamis Hamza amesema kwa hivi karibuni matukio ya Moto yamekithiri hali inayopelekea wengine kupoteza maisha,kupata ulemavu wa kudumu na wengine kupoteza mali zao.

" Licha ya kuwepo kwa matukio hayo ya mara kwa mara jeshi la zimamoto nchini limeendelea kuchukua hatua mbalimbali  kama kujenga visima vya Dharura,na kutoa elimu ya majanga ya moto kwa wananchi,"

Na kuongeza "Na leo niseme tu ni jambo jema kwani mashirikiano Kati ya Jeshi la Zimamoto na Chama cha Sikauti kwa kuwapa elimu ya  kupambana na majanga ya Moto kwa njia ya awali hakika tunakwenda kulidhibiti suala hili," amesema Hamza

Kwa Upande wake skauti Mkuu Mwantumu Mahiza amesema Skauti Tanzania kwakutambua kwamba Serikali inamtumia gharama kubwa katika kujenga na kukarabati shule na ndio maana wameridhia makubaliona hayo kati ya Jeshi la Zimamoto na Chama cha Skauti Tanzania.

Aidha amesema chama cha skaut kimekua kikijishughulisha katika majanga ambavyo yamekuwa yakitokea nchini kusaidia na kuokoa uhai na mali za wananchi. 

"Hivyo basi makubaliano haya kati ya Jeshi la Zimamoto na Chama cha Skauti ni mafanikio makubwa katika kuhakikisha mali za shule zinanusurika na majanga ya moto.