Mwenyekiti mpya AU kupambana na Corona(Covid-19)

Rais Felix Tshiseked.

 

 

 

Na Goodluck Hongo

 Mwenyekiti mpya wa Umoja wa Afrika ambaye pia ni Rais wa Jamhuri ya Kidemokrasia ya Congo (DRC) Rais Felix Tshisekedi amesema kipaumbele cha Bara la Afrika kwa sasa ni kushughulikia janga la virusi vya corona (COVID-19) na athari zake kiuchumi.

 Kauli ya Rais Tshisekedi imekuja siku moja baada ya kupokea wadhifa huo kutoka kwa mtangulizi wake ambaye ni Rais wa Afrika Kusini Cyril Ramaphosa ambaye amemaliza muda wake wa uongozi kwa mwaka mmoja

 Kwa mujibu wa taarifa iliyotolewa na Naibu Msemaji wa Rais wa DRC Tina Salama amesema wakati kaulimbiu rasmi ya mwaka 2021 ni "Sanaa, utamaduni, na urithi,njia za kujenga Afrika wanayotaka" ,lengo la AU pia litakuwa kushughulikia athari mbaya ya janga la Virusi vya Corona (COVID-19) ambavyo  viliathiri vibaya maisha na maisha ya watu wa Kiafrika.

 Amesema ajenda mpya ya AU itasisitiza hitaji la chanjo ya kawaida, kumaliza kazi ya ugonjwa wa Polio barani Afrika na kupunguza athari za Corona(COVID-19).

 “Wakati afya itakuwa moja ya vipaumbele vya juu vya DRC, ajenda mpya inalenga pia kuimarisha mifumo ya lishe na kilimo, uchumi wa Afrika na huduma za kifedha, pamoja na usawa wa kijinsia katika maeneo yote”amesema Salama.

Tshisekedi alichaguliwa katika kikao cha 2020 kuwa Mwenyekiti wa mwaka 2021, wadhifa unaozunguka miongoni mwa viongozi wa nchi wanachama kwa kipindi cha mwaka mmoja.

 Ugonjwa wa Corona(Covid-19)umeua mamia ya watu duniani likiwemo Bara la Afrika hali iliyoplekea baadhi ya nchi kuwataka wananchi wake kubaki nyumbani ili kupunguza athari zake.

 Hata hivyo Global Health Strategies moja ya mashirika yanayosaidia masuala ya afya duniani limekuwa likitoa fursa kwa waandishi wa habari kujikita zaidi katika kuandika masuala ya afya ili kusaidia jamii kijikinga na magonjwa mbalimbali