VIONGOZI SIMBA JAMII WAAHIDI KUIPAISHA

 

NA SULEIMAN MSUYA

VIONGOZI wapya wa Kundi la Simba Jamii Tanzania Enterprises (SJTE) wameahidi kufanya kazi kwa uadilifu, uwajibikaji, nidhamu na maadili kuhakikisha wanaifikisha mbali taasisi hiyo.

Wakizungumza na mwandishi wa habari baada ya kuchaguliwa baadhi ya viongozi hao katika uchaguzi uliofanyika jijini Dar es Salaam January 31, 2021 walisema wamepokea kijiti hivyo wanawajibu wakufanya makubwa zaidi kwa (SJTE).

Mwenyekiti mpya wa SJTE, Patrick Mwanakatwe amesema anashukuru wana Simba Jamii kumuamini na kumchagua hivyo atahakikisha hawaangushi.

"Awali ya yote napenda niwashukuru sana kwa kuweza kuniamini na kunichagua kuwa Mwenyekiti wenu wa SJTE. Nawaahidi nitakuwa bega kwa bega nanyi katika kuiendeleza taasisi ilituweze kufikia malengo tuliyojiwekea.

 Niwapongeze viongozi waliomaliza muda wao kwa kutuanzishia msingi mpaka hapa tulipo ni mengi mmepitia nawaahidi kushirikiana nanyi popote pale tutakapo omba msaada.

Nawaomba msisite kutupa ushauri pale tunapoomba ushauri kwani sisi sote ni wanachama wa SJTE wote tupo ndani ya mtumbwi moja na nahodha wetu ni mmoja mtumbwi ukizama tunazama wote," amesema.

Mwanakatwe amesema anawaomba wanachama wote wawe wamoja na kuondoa tofauti zao wawe na upendo, mshikamano  kwani baba yao ni mmoja na moto wao uwe ni upendo.

Mwenyekiti huyo amesema iwapo uadilifu, uwajibikaji, nidhamu na upendo vitatawala ni wazi kuwa SJTE itasonga mbele.

"Mambo ya nje ya group tofauti zetu tuzimalizie huko huko tukija ndani ya group tuwe na umoja na upendo ndiyo tutafika mbali siyo mwenyekiti nimekwazana na makamu wangu  tunayaleta kwenye kundi.

Masuala yetu binafsi tuyamalizie huko huko ndani ya kundi hapana. Nitakuwa mkali mimi na uongozi wangu hatutaruhusu tofauti zetu tuzimalize huko huko nje ya kundi na kama umekuja kuniomba usuluhishi basi umekuja kwangu kama Mwanakatwe  siyo mwenyekiti fahamu kuwa mimi ni mwenyekiti wa SJTE siyo mwenyekiti wa nyie wawili," amesema.

Mwanakatwe amesema anawashukuru kwa kumchagua hivyo anawaomba wamalize  tofauti zote za nyuma na kuzizika.

Aidha Mwenyekiti amesisitiza wanachama walipe ada kwa mujibu wa Katiba na kwa wakati  na sio kusubiri kusukumana kwani nisheria  na kanuni za SJTE zinaelekeza ulipaji.

Poa Mwanakatwe amesisitiza wana SJTE kuendeleza utamaduni wa kuchangiana wakati wa shida na raha kwani ni moja ya kiashiria cha upendo.

Kwa upande wake Makamu Mwenyekiti wa SJTE, James Tindi amesema taasisi hiyo itafikia malengo iwapo mshikamano utakuwepo baina yao.

Tindi amesema matamanio yake ni kuona kundi hilo lina linakuwa chachu ya maendeleo, uchumi na fursa nyingine muhimu kwao.

"Uamuzi wenu wa kutuamini tutahakilisha tunalipa hivyo niwaaahidi kuwa tumedhamiria kuipeleka mbele SJTE," amesema.

Naibu Katibu Mkuu wa SJTE, Asha Kigundula amesema atahakikisha anatumia ushawishi wake kuchochea mafanikio ndani ya taasisi hiyo.

Amesema SJTE inatakiwa kufikia kwa wadau kwani ni moja ya kundi la washabiki na wanachama wa Timu ya Simba ambalo lina malengo tofauti na ushabiki.

Akizungumza baada ya uchaguzi huo Mwenyekiti wa Kamati ya Uchaguzi SJTE, Rahim Varisanga amewataka wanachama wote waliochaguliwa kutambua kuwa wana deni kubwa kwa wanachama.

Varisanga amewataka viongozi wapya wa SJTE kufuata misingi ya uongozi kwa kuvumilia mabaya yote ambayo watakutana nayo kwani ndio sababu ya migogoro.

"Niwapongeze wagombea wote kwa nafasi ambazo mmepata ilanataiwa kutambua kuwa mmepokea dhima kubwa ya watu mnatakiwa kuwa kitu kimoja ili SJTE ifikie malengo," amesema.

Katika uchaguzi huo ambao ulifanyika kwa kuzingatia utaratibu zote pia wagombea wengine walichaguliwa ni  Katibu Mkuu Hassan Mohammed, wajumbe wa Kamati ya Utendaji Nunu Mbegu, Mussa Rashid na Laurencia Sahani.