Waziri wa Biashara na Maendeleo ya Viwanda Z/bar akagua ununuzi wa karafuu

 

Waziri wa Biashara na Maendeleo ya Viwanda wa Serikali ya Mapinduzi, Zanzibar, Omar Said Shaaban akikagua karafuu kisiwani Pemba.

 

 Na Mwandishi Wetu, Pemba

WAZIRI wa Biashara na Maendeleo ya Viwanda wa Serikali ya Mapinduzi, Zanzibar, Omar Said Shaaban jana Julai 12, 2021 amefanya ziara kwenye vituo vitatu vya ununuzi wa karafuu kisiwani Pemba.

Vituo hivyo vya ununuzi vipo wilayani, Chake Chake na Wete kisiwani Pemba.

Akizungumzia ziara hiyo, Waziri Shaaban amesema lengo ni kujionea hali ilivyo kwenye vituo pamoja na kuwasikiliza wakulima na watendaji changamoto wanazokabiliana nazo.

"Nimetoa ufafanuzi wa baadhi ya changamoto hizo na maelekezo kwa yale ambayo nimeyaona yana upungufu upande wetu wa serikali na watoa huduma tunaoshirikiana nao kwenye vituo. 

"Nimeahidi kuzitatua changamoto nyengine ambazo zinahitaji kujadiliana na wenzetu wengine lakini lengo ni lile lile kuhakikisha mchakato wa manunuzi unaendelea kwa ufanisi bila ya vikwazo katika msimu huu wa karafuu" amesema wazri huyo.