Masha love asaini mkataba mnono wa Ubalozi Sabuni ya Saffron

Msanii na Video Vixen Masha Love akiwa ameshikana mkono na Mkurugenzi wa Sabuni ya Saffron baada ya kusaini mkataba wa miezi sita wenye thamani ya Sh milioni 40 wa kuwa balozi wa bidhaa hiyo.\

 

 

Na Hussein Ndubikile, Dar es Salaam 

Msanii na Video Vixen Masha Love amesaini mkataba wa miezi sita wenye thamani ya Sh milioni ya 40 wa kuwa Balozi wa Sabuni ya Saffron.

Akizingumza na wanahabari leo jijini Dar es Salaam katika hafla ya utiaji saini mkataba huo msanii huyo amesema anawashukuru wahusika wa sabuni hiyo kwa kumpatia ubalozi huo na kwamba atautumia katika kuwakwamua wanawake wasio na ajira katika maeneo atakayotembelea kutangaza bidhaa hiyo.

" Nawashukuru Saffron kwa kunipa mkataba kutangaza bidhaa zao watu wamekuwa wakinichukulia tofauti kwenye mitandao wananiona chizi kumbe timamu ubalozi nitautumia kuwakomboa wenzangu niliyokuwa nao wapate ajira," amesema Masha Love.

Amebainisha kuwa katika mikoa atakayopita kuitangaza sabuni hiyo wanawake watapata fursa ya kupata uwakala wa bidhaa hivyo amewashauri kujitokeza kwa wingi  na kwamba analishukuru Baraza la Sanaa Tanzania (BASATA) kwa kumfanya kuwa na maadili na heshima.

Ameongeza kuwa katika maisha yake amepitia changamoto nyingi na kwamba ubalozi alioupta atautumia kuwarekebisha wenzio ambao hawajatoka katika maisha aliyokuwa akiishi kabla hajajulikana.

Kwa upande wake Mkurugenzi wa Sabuni hiyo, Ester Dalali amesema wameamua kumpatia ubalozi huo msanii kwa kuwa ni mtu mwenye kujiamini na kuthubutu kufanya jambo hivyo anaamini atasaidia kuitangaza vyema bidhaa hiyo kwa jamii.

Mkurugenzi huyo amefafanua kuwa katika muda wa mkataba huo msanii Masha Love  atapata fursa ya kuishi kwenye nyumba yenye thamani ya Sh Milioni 97 huku akiwashauri watu kuchangamkia fursa ya kuwa mawakala wa sabuni hiyo.