Serikali yaanza kuimarisha sera, sheria, miongozo kuboresha uwekezaji sekta binafsi, kufanya mapitio sera za kulinda mlaji, ubora na uwekezaji

 

Naibu Waziri wa Nchi, Ofisi ya Waziri Mkuu (Uwekezaji) William Tate Ole Nasha, akifungua Kongamano la Kaizen Barani Afrika kwa mwaka 2021 (AKCA2021) linalofanyika kuanzia Agost 24 hadi 26.

 

Hussein Ndubikle, Dar es Salaam

Serikali imesema kuwa imeanza kuimarisha sera, kanuni, sheria, taratibu na miongozo ili kujenga sekta binafsi imara na madhubuti huku ikibainisha kuendelea kufanya mapitio katika sera ya taifa ya kumlinda mlaji, sera ya taifa ya ubora pamoja na Sheria ya Uwekezaji.

Hayo yamesemwa leo jijini Dar es Salaam na Naibu Waziri wa Nchi, Ofisi ya Waziri Mkuu (Uwekezaji) William Tate Ole Nasha kwa niaba ya Waziri wa Viwanda na Biashara, Profesa Kitila Mkumbo wakati akifungua Kongamano la Kaizen Barani Afrika kwa mwaka 2021 (AKCA2021) linalofanyika kuanzia Agost 24 hadi 26 mwaka huu linaloshirikisha mataifa zaidi ya 20 yanayotekeleza falsafa hiyo.

Amesema Serikali inatambua umuhimu na jukumu lake la  kuimarisha sekta hiyo ndio maana Rais Samia Suluhu Hassan anaendelea kuweka na kuimarisha sera na miongozo  pamoja na mazingira wezeshi ili kuhakikisha viwanda vinafanya kazi kwa ufanisi hali itakayosaidia kuimarisha sekta binafsi nchini.

" Lazima tuangalie namna ya kukuza sekta binafsi hasahsa viwanda vitengeneze ajira na kodi tukiimarisha sekta hii  itachangia kiasi kikubwa katika pato la taifa Serikali kazi yake ni kuweka sera, miongozo na mazingira wezeshi," amesema Naibu Waziri Ole Nasha.

Amebainisha kuwa katika kuhakikisha hilo linafanikiwa Serikali ianendelea kuboresha miundombinu ya viwana na kwamba inafanya majadiliano na wadau ili kufungua fursa za kibiashara.

Amesisitiza kuwa kongamano hilo litasadia kuimarisha sekta ya viwanda na biashara na kuwakukumbusha watendaji wa wizara hiyo na sekta binafsi kutambua namna gni ya kushughulikia na kusimamia majukumu yo kikamilifu. 

Ameongeza kuwa kauli mbiu ya kongamano hilo ni fursa za kuharakisha maendeleo ya Viwanda na Biashara Barani Afrika na kwamba limebeba ujumbe  unaosisitiza  uzingatiwaji wa matumizi ya Falsafa ya KAIZEN (Uongezaji Ubora & tija - QPI) na Teknolojia za Dijitali, katika Uanzishaji na Uendelezaji wa Viwanda vidogo na Biashara Ndogo na shughuli za kiuchumi majumbani ili kukuza uchumi wa ndani Barani Afrika. 

Aidha, amesema Serikali inaamini katika falsafa hiyo na kwamba imejiunga katika mpango huo ili kufikia malengo iliyojiwekea ikiwemo biashara na sekta ya viwanda lengo likiwa kuchochea pato la taifa.

Kwa upande wake Mwakilishi wa Mkuu wa Mkoa wa Dar es Salaam amabaye pia ni Mkuu wa Wilaya ya Temeke, Jokate Mwegelo amesema falsafa hiyo ya Kiajapani zinasaidia kuratibu masuala mbalimbali ikiwemo kuongeza ufanisi na kuwapa fursa viongozi kujifunza namna falsafa zinaweza kuisaidia jamii.

 Mkuu wa wilaya huyo amesema anatamni falsafa hiyo ifike katika ngazi za maispaa ili zitumike kuwajengea uwezo wanachi hasa wanaochukua mikopo ya vikundi kuanzisha biashara na viwanda vidovidogo.