Wachezaji Twiga Stars wampongeza Rais Samia wamuahidi makubwa

Na Hussein Ndubikile, Dar es Salaam

Timu ya Taifa ya Wanawake ya Tanzania  'Twiga Stars' imempongeza na kumshukuru Rais Samia Suluhu Hassan kwa kuendelea kuwa mlezi na mfadhili wa timu hiyo katika mashindano mbalimbali huku ikimuahidi kufanya makubwa katika michuano itakayoshiriki.

Hatua hiyo imekuja siku chache wakati  baada ya Rais Samia akiipongeza Timu ya Taifa ya Vijana (U-20) iliyotwaa ubingwa wa CECAFA alitoa kauli ya kuahidi kudhamini mashindano hayo kwa wanawake yatakayofanyika mwakani.

Pongezi na shukrani hizo zimetolewa leo jijini Dar es Salaam na wachezaji wa timu hiyo wakati wakizungumza na wanahabari jijini humo.

Mchezaji wa Twiga Stars Ester Mabanza amesema wanampongeza na kumshukuru Rais Samia kwa kuwa amekuwa mstari wa mbele kuisaidia timu hiyo tangu akiwa Makamu wa Rais wa Serikali ya Awamu ya Tano hivyo kupitia yeye italeta chachu ya kuendeleza soka la wanawake.

" Napenda kumshukuru Rais Samia kwa kutusaidia amekuwa nasi tangu hajapata urais ametupa sapoti katika mashindano tuliyoshiriki na kutupa moyo wa kuendelea kupambana kufikia malengo," amesesma Ester.

Amebainisha kuwa Rais Samia kwao ni mama, mlezi na mkuu wa nchi na kwamba wataendelea kupokea ushauri wake na kushirikiana naye kufannikisha malengo yao waliyojiwekea.

Kwa upande wake Mchezaji, Janenth Christopher amemshukuru Rais Samia kwa kuendelea kulipigania soka la wanawake kwani amekuwa nao bega kwa bega katika kuwasaidia na kuwafadhili na kwamba wanamuahidi kufanya vizuri katika mashindano yaliyo mbeleni mwao.

Amewaomba wadau wa soka kujitokeza kuunga mkono juhudi za Rais Samia ikiwemo kuisaidia timu hiyo kupata wadhamini wengine, kulitangaza soka la wanawake pamoja na uboreshaji wa miundo y a mchezo huo kwani itasaidia kupata timu bora ya taifa.

Mchezaji huyo ameawomba wadau wa soka wasichukulie kauli ya Rais Samia kwa mtazamo hasi kwani Rais alisema wachezaji wa kike kujiweka kama wanaume imechukuliwa tofauti kwani aliitoa katika kuwafunza na wataitumia kuendeleza mapambano.

Ametoa rai kwa wazazi na walezi wenye watoto wa kike wenye vipaji vya soka kuwapa moyo na kuwaendeleza watoto wao ili kufanikisha timu bora za wanawake bora za wanawake katika ngazi za vilabu na taifa.

Naye Stumai Abdallah amesema mchezo wa soka unahitaji mtu kuwa na nguvu ndio maana wanafanya mazoezi  kujiweka imara hivyo wtau wasiwachukulie kiume na kumuahidi Rais Samia kufanya vizuri katika mashindano

Mjumbe wa Kamati ya Utendaji wa Chama cha Mpira Wanawake Tanzania (TWFA) Zena Chande amemshukuru Rais Samia kwa kuendelea kuwa mlezi wa Twiga Stars na kwamba ameonyesha nia ya dhati kuidhamini timu hiyo kufikia malengo.