TCCIA yasaini mkataba na taasisi tatu kuwawezesha wazawa kushriki miradi ya kimkakati

 

Rais wa TCCIA, Paul Koyi, akimtambulisha Mkurugenzi Mtendaji Mpya wa chemba hiyo Judith Karangi katika kikao cha Menejimenti, kushoto ni Mjumbe wa bodi wa TCCIA, Dkt. Said Kingu.

 

Na Hussein Ndubikile, Dar es Salaam

Chemba ya Wafanyabiashara wenye Biashara, Viwanda na Kilimo (TCCIA) imesaini hati ya makubaliano ya ushirikiano na taasisi tatu ili kuwawezesha wazawa kushiriki kikamilifu katika miradi ya kimkakati inayotekelezwa nchini pamoja na kuwaondolea changamoto mbalimbali wafayabiashara.

 

Miongoni mwa miradi hiyo ni Mradi wa Bomba la Mafuta Ghafi la Afrika Mashariki (EACop) pamoja na  Mradi wa Gesi Asilia.

TCCIA imeingia makubaliano hayo na Jumuiya ya Watoa Huduma katika Sekta ya Mafuta  na Gesi Asilia Tanzania (ATOGs), Shirikisho la Wafanyabiashara na Wenye Viwanda wa Zanzibar (ZNCCIA) na Saccos ya Wanawake Wajasiriamali Nchini (TASWE).

Akizungumza jijini Dar es Salaam katika Hafla ya utiaji saini makubaliano hayo Rais wa TCCIA  Paul Koyi amesema wenye viwanda na wafanyabiashara na wanachama na taasisi zilizohusika zitapiga hatua kimaendeleo na changamoto zinazowakabili zitatuliwa kwa urahisi.

" Tumekuwa na tukishirikiana kabla ya makubaliano haya tunaamini yataenda kutatua changamoto za wafanyabiashara wa Tanzania Bara na Visiwani hivyo yatakuza biashara na viwanda kiuchumi," amesema Koyi.

Kwa upande wake Mwenyekiti wa Bodi ya ATOGs, Abdulsamad Abdulrahim makubaliano hayo yatasaidia wazawa kushirikishwa na kupata fursa kutoa huduma pamoja na kuudha bidhaa zinazotengenezwa nchini.

Nae Mwanzilishi wa TASWE, Anne Matinde amese,ma matarajio ya wanachama anawaongoza kuwa huru katika utekelezaji wa majukumu yao hasa pale wanapokutana na wateja wa mataifa ya nje juu ya bidhaa zao.

Katika hatua nyingine imepata Mkurugenzi Mtendaji  Mpya ambaye  ni Judith Karangi na kwamba ameahidi kuifanyia marekebisho taasisi hiyo sambamba na kuwaleta pamoja wadau waote wa sekta hizo.

Akizungumza baada ya kutambulishwa na Rais wa chemba hiyo, Judith ameihakikisha bodi ya wakurugenzi na wafanyakazi kuwa atafanya kazi kwa bidii na weledi ikiwemo kurejesha imani kwa wafanyabiashara wote nchini.

Akimtambulisha mkurugenzi mtendaji huyo, Rais wa TCCIA, Koyi amesema ana  imai kubwa pamoja na bodi hiyo ataipaisha chemba hiyo kutoka ilipo na kusomba mbele zaidi hivyo aliwaomba wafanyakazi kumpa ushirikiano kwani mafanikio ya taasisi hiyo yatategemeana na umoja na mshikamano katika utendaji kazi.

Nae, Mjumbe wa Bodi ya TCCIA, Dkt. Said Kingu amewataka wadau sekta zote na kumpa ushirikiano mkurugenzi huyo kwa kuwa ni mtu mzoefu kweny utendaji kazi na kuongeza kuwa taasisi hiyo ina nafasi kubwa ya kutimiza malengo ya Serikali ya kuimarisha uchumi.